مریم نواز بارے عمران خان کے ریمارکس پر عوام کا سخت رد عمل

مسلم لیگ ن کی مرکزی رہنما مریم نواز شریف بارے سابق وزیراعظم عمران خان کیجانب سے دیے گئے نازیبا ریمارکس پر سخت عوامی رد عمل سامنے آرہا ہے

عمران خان نے ملتان جلسے میں مریم نواز کو مخاطب کرتے ہوئے کہا کہ مریم دیکھو میرا نام اتنے جذبے سے مت لیا کرو ایسا نہ ہو کہ تمہارا خاوند ناراض ہوجائے

عمران خان کے ان ریمارکس پر وزیراعظم پاکستان اور مسلم لیگ ن کے صدر شہباز شریف جو مریم نواز کے چچا بھی ہیں انہوں نے لکھا انا للّٰہ وانا الیہ راجعون انہوں نے لکھا کہ  ٹویٹر پر لکھا کہ تاریخ کا یہ پہلا شخص ہے جو ایک جماعت کے سربراہ کے طور پر بدتہذیبی کے اس پاتال میں جا گرا ہے۔ قوم بنانے نکلے تھے اور قوم کے اخلاق کو ہی بگاڑ دیا

وزیراعظم شہباز شریف نے کہا کہ  بیٹی مریم نواز شریف کے خلاف قابل افسوس زبان درازی پر پوری قوم خاص طور پر خواتین پرزور مذمت کریں۔ کم ظرفی کے اظہار سے ملک وقوم کے خلاف آپ کے جرائم چھپ نہیں سکتے۔ مسجد نبوی کی حرمت و ناموس کا پاس نہ کرنے والوں سے ماؤں، بہنوں، بیٹیوں کی عزت وتکریم کی کیا توقع ہوسکتی ہے

مریم نواز شریف کے والد سابق وزیراعظم میاں نواز شریف نے کہا کہ عمران نیازی وہ شخص ہے جس نے ہماری اخلاقیات کو تباہ کردیا ہے بدتمیزی کے کلچر کی بنیاد ڈال دی ہے اسکو یہی نہیں پتہ ماں بہن کی عزت کسے کہتے ہیں نام مدینہ کی ریاست کا لیتا ہے اور حرکتیں ایسی کرتا ہے جو دنیا کی کسی گندے سے گندے معاشرے میں بھی نہیں ملتیں

سابق صدر پاکستان آصف علی زرداری نے مریم نواز بارے عمران خان کے ریمارکس پر کہا کہ عمران خان! خدارا سیاست میں اتنے نیچے نہ گر جاو مائیں بہنیں بیٹیاں سب کی سانجھی ہوتی ہیں عزت دار لوگ اسطرح کی زبان استعمال نہیں کرتے

جمیعت علما اسلام پاکستان اور پی ڈی ایم کے صدر مولانا فضل الرحمان نے کہا کہ عمران خان کے خاندانی معاملات سے قطع نظر ھم نے پہلے دن سے یہ کہاتھا کہ یہ شخص ھماری تہذیب ختم کرنےکے لیےمسلط کیاجارہاہےاور یہ خودھماری اقدارو تہذیب پرڈرون حملہ ہے انہون نے کہا کہ آج مریم نواز پر بازاری اوررکیک انداز میں ذاتی حملےکرکے عمران خان نے قوم کےسامنےاخلاقی طورپرخود کوایکسپوزکرتےھوئےھمیں پھرسچا ثابت کیا ھے

وزیردفاع خواجہ آصف نے کہا کہ جو شخص اپنی بیٹی کو عزت احترام اور باپ کی شفقت نہیں دے سکا وہ کسی اورکی بیٹی بہن کو کیا عزت احترام دے گا

اس موقع پر وزیرداخلہ رانا ثنا اللہ نے کہا کہ عمران نیازی نے تقریر میں جو کچھ کہا ہے اس سے پوری قوم کا سر شرم سے جھک گیا ہے کہ یہ کیسا لوفر لفنگا اس ملک پر چار مسلط رہا ہے تو پھر ملک کا یہی حشر ہونا تھا جو آج ہے

ہیومن رائٹس کمیشن پاکستان نے عمران خان کے بیان پر کہا کہ عمران خان کو نہ صرف مریم نواز بالکہ تمام خواتین سے معافی مانگنی چاہیے

عمران خان کی سابق اہلیہ ریحام خان نے کہا کہ مجھے اس بات پر شدید شرمندگی ہے کہ میں کبھی ایسے گھٹیا آدمی سے منسلک تھی۔ بلاول بھٹو جیسے نوجوان کی  شائستگی دیکھیں اور ایک 70 سال کے بوڑھے کی بدتہذیبی کو دیکھیں۔ اس شخص کو نہ اپنے گھر کی عورت کی عزت نہ کسی اور گھر کی عورت کی عزت۔

صحافی عمار مسعود نے کہا کہ یہ شخص ایک ذہنی مریض ہے قابل نفرت قابل سرزنش قابل سزا

سابق وزیرخزانہ سینیٹر اسحاق ڈار نے کہا کہ مریم_نواز صاحبہ کے لئے عمران نیازی نے گھٹیا زبان استعمال کی جو کہ قابلِ مذمت ہے۔کوئی انسان جسے ماں،بہن اور بیٹی جیسے رشتوں کا تقدس ہو وہ کبھی بھی ایسی بیہودہ زبان استعمال نہیں کرتا۔ پی ٹی آئی کو اس مذموم حرکت پر عمران نیازی کی سرزنش کرنی چائیے۔

مسلم لیگ ن کی رہنما عظمی بخاری نے کہا کہ آدمی کو گٹر سے نکالا جا سکتا ہے لیکن ان جیسوں کے اندر سے گٹر نہیں نکالا جا سکتا،اب کوئی ہمیں اخلاقیات اور شائستگی نا سکھائے،اب عدت کے نکاح،بیٹی اور اس گھٹیا آدمی پہ بات کرنی ہو گی،کیا ہم نے اس گھٹیا آدمی کو برداشت کرنے کا ٹھیکہ لے لیا ہے

صحافی اور اینکر شاہزیب خانزادہ نے کہا کہ عمران خان نے مریم نواز پر جو ذاتی ریمارکس دیے ہیں وہ قابل مذمت ہیں ایسی باتیں عمران خان کو کسی صورت زیب نہیں دیتیں اور خصوصا ایسے شخص کو جو پاکستان کا وزیراعظم رہ چکا ہو