مریم نوازنے آج پنجاب پولیس کے شہید ہونیوالے کانسٹیبل کی فیملی سے ملاقات کے بعد میڈیا سے گفتگو کرتے ہوئے کہا ہے کہ شہید پولیس کانسٹیبل کے پانچ بچے ہیں انکی اہلیہ کو جوانی میں بیوہ کردیا چھوٹے بچے یتیم ہوگئے یہ سب کچھ عمران خان نے اپنے جعلی انقلاب کی خاطر کیا گیا اس خون ناحق کا ذمہ دار صرف عمران خان ہے اس نے انتشار جسکو انقلاب کا نام دیا گیا اسکو قوم نے مستردکردیا۔
انہوں نے بتایا کہ شہید کانسٹیبل کی بیوہ نے کہا ہے کہ انکے پاس گھر نہیں ہے تو شہباز شریف صاحب نے اسی وقت ان سے بات کرکے کہا ہے کہ ہم انکو گھر لیکر دینگے انکے بچوں کی تعلیم اور ہیلتھ کا پورا خرچہ حکومت پاکستان اٹھائے گی۔
مریم نواز کا کہنا تھا کہ حقیقی انقلاب کا سفر گھر سے شروع ہوتا ہے اسطرح چھوٹے بچوں کو یتیم کرنے سے انقلاب نہیں آتا اگر عمران خان کو انقلاب کا اتنا ہی شوق ہے تو اسے پہلے اپنے گھر سے شروع کرو اپنے بچوں کو تاج برطانیہ کی غلامی سے آزاد کرواو۔
عمران خان کی جانب سے دیے گئے چھے دن کے وقت پر مریم نواز کا کہنا تھا کہ جو چھے دن کا وقت دیا گیا ہے وہ سوائے شرمندگی خفت مٹانے کے اور کچھ نہیں پچیس لاکھ افراد کو اکٹھے کرنے کا دعوی کرنیوالا چند لوگ ہی اکٹھا کرسکا۔
ن لیگی نائب صدر نے کہا کہ انقلاب آگیا لیکن اسکے بندے نہیں آئے آزادی مارچ اسکے لیے بربادی مارچ بن گیا عوام جان چکی ہے کہ اسکا ایجنڈا سوائے انتشار کے اور کچھ نہیں ہے اسکے پاس آج بھی اپنی کارکردگی کا کوئی جواب نہیں عوام اسکے جعلی انقلاب جعلی خط اور جعلی سازش کو اچھی طرح پہنچان گئے ہیں۔
مریم نواز کا کہنا تھا کہ لوگوں کے بچے سڑکوں پر رلتے رہے ڈنڈے کھاتے رہے یہ خود ہیلی کاپٹر میں ہوا میں کئی گھنٹے معلق رہا قوم کے بچوں کیساتھ فتنہ بازی اور شر انگیزی اب بند کرو قوم کے نوجوانوں کو اپنے ذاتی اقتدار کی ہوس کا ایندھن بنانے کی بجائے بنی گالہ واپس جاو اور باقی زندگی اللہ اللہ کرو۔
نائب صدر ن لیگ نے کہا کہ کل رات تک ہر چیز کنٹرول میں تھی لیکن پھر سپریم کورٹ کا فیصلہ آنے کے بعد انکو جو شہہ ملک اسکو استعمال کرکے دارالحکومت کو نذر آتش کیا گیا کئی گھنٹے اسلام آباد جلتا رہا۔
سپریم کورٹ کے دیے گئے ریمارکس پر مریم نواز نے کہا کہ آج عدالت کے ریمارکس سن کر افسوس ہوا عمران خان کو شاید میسج درست نہیں پہنچا انکو سب پتہ تھا یہ سب جانتے تھے انکا ایجنڈا انتشار کا تھا سپریم کورٹ کو بتانا چاہتی ہوں کہ پاکستان میں جو کچھ چند ہفتے سے ہورہا ہے انکے بیانات سامنے ہیں جب یہ کہتے تھے خونی انقلاب ہوگاسپریم کورٹ سے کہنا چاہتی ہوں اپنے فیصلے کو ریویو کریں وہ بغیر قیادت کے انقلاب نہیں تھا وہ عین عمران خان اور شیخ رشید کی تعلیمات کیمطابق سب کچھ ہوا اور انکے لیڈران کی سربراہی میں ہوا۔
مریم نواز نے کہا کہ کل عمران خان کو کہا گیا کہ مذہب کا ٹچ دیں اور پھر پوری قوم نے یہ دکھا اس سے زیادہ بڑی منافقت نہیں ہوسکتی مذہب کو دہشتگرد اتنا نقصان نہیں پہنچاتے جتنا مذہب کا لبادہ اوڑھے سیاست کرنے اور ورغلانے والے پہنچاتے ہیں ریاست مدینہ کا دعویدار جلسوں میں کھڑا ہوکر خواتین پر جملے کستا ہے۔
ن لیگی نائب صدر کا کہنا تھا کہ حکومت کو عمران خان کیخلاف مقدمہ درج کروانا چاہیے شہید پولیس کانسٹیبل کو شہید کرنے والوں کیخلاف جنکے گھروں سے اسلحہ نکلا ہے انکے خلاف مقدمہ درج ہونا چاہیے اور جو دو بچے اسکی اپنی جماعت کے دو بچے کنٹینر اٹھاتےشہید ہوئے ان سب کا مقدمہ عمران خان کیخلاف درج کروانا چاہیے۔
انہوں نے کہا کہ انقلاب پولیس سے پوچھ کر نہیں آتا انقلاب اپنا راستہ خود بناتا ہے اسکی آواز پر تو پختونخواہ سے لوگ نہیں نکلے اسکو شرم سے ڈوب مرنا چاہیے۔
اس موقع پر انکا کہنا تھا پاکستان کے اندر آج جو بھی قابل ذکر منصوبہ اورنج ٹرین میٹرو بس موٹر وہے بجلی کے کارخانے معاشی ترقی سی پیک ہو یہ سب نواز شریف حکومتوں کے کارنامے ہیں پاکستان کو اس حالت میں اپنی نالائقی نااہلی سے پہنچانے کا ذمہ دار صرف عمران خان ہے۔
مریم نواز نے کہا کہ کل تحریک انصاف کی خاتون ایک پولیس والے کیساتھ مسلسل بدزبانی کرتی رہی وہ اسکی بدتمیزی برداشت کرتا رہا لیکن اس قوم کے بیٹے نے اپنی نظر نہیں اٹھائی اس قوم کو بیٹے کو مریم نواز کا سلام۔!!
∎
