یہ سیاست کا نہیں سیلاب زدگان کی مدد کا وقت ہے نواز شریف

مسلم لیگ ن کے قائد میاں نواز شریف نے سیلاب زدگان کی امداد کے سلسلہ میں قوم سے اپنے خطاب میں کہا ہے کہ پاکستان سے انتہائی تکلیف دہ مناظر دیکھنے کو مل رہے ہیں جنکودیکھ کر دل بہت رنجیدہ ہے انہوں نے کہا کہ سیلاب کی تباہ کاریوں نے پورے پاکستان کو اپنی لپیٹ میں لے سلم لیگ ن کے قائد میاں نواز شریف نے سیلاب زدگان کی امداد کے سلسلہ میں قوم سے اپنے خطاب میں کہا ہے کہرکھا ہے جسکی وجہ سے ہزاروں قیمتی جانیں ضائع ہوچکی ہیں لاتعداد لوگ بے گھر ہوچکے ہیں لاکھوں ایکٹرپر محیط فصلیں تباہ ہوچکی ہیں۔

میاں نواز شریف نے کہا کہ بلاشبہ یہ قدرتی آفت ہے لیکن وہ سمجھتے ہیں کہ یہ وقت اپنے گریبان میں جھانکنے کا بھی ہے یہ توبہ کی بھی گھڑی ہے ہمیں دیکھنا چاہیے کہ اہمارے اپنے اعمال لغزشیں تو اسکی ذمہ دار تو نہیں یہ اپنے اعمال کا بھرپور جائزہ لینے کا بھی وقت ہے۔

ن لیگی قائد نے اس موقع پرتمام شعبہ ہائے زندگی سے تعلق رکھنے والے افراد تمام مخیر افراد مسلم لیگ ن کے تمام ممبران اسمبلی عہدیداران اور کارکنان سمیت دیگر تمام سیاسی جماعتوں سے اپیل کی کہ وہ اس مشکل گھڑی میں اپنی تمام سیاسی اور دوسری مصروفیات کو ایک طرف رکھ کر اپنی تمام توانائیاں متاثرین کی مدد کیلئے وقف کردیں۔

میاں نواز شریف نے اس موقع پر کہا کہ یہ وقت کوئی اور کام کرنے کا نہیں یہ وقت سیلاب سے متاثرین کی دل کھول کر امداد کرنے کا ہے انکے زخموں پر مرہم رکھنے کا وقت ہے انکی آنکھیں آپ کی امداد کی منتظر ہیں۔

نواز شریف نے کہا کہ اس موقع ہر شہباز شریف صاحب کو شاباش دیتا ہوں کہ وہ سیلاب متاثرین کی امداد کرنے کیلئے بھرپور توجہ اور انکو ریلیف دینے کیلئے اپنا فرض ادا کررہے ہیں۔

میاں نواز شریف نے مزید کہا کہ مریم نواز سیلاب زدہ علاقوں کے دورے کرنے جارہی ہیں امدادی کاموں کی نگرانی اور متاثرین کی مزاج پرسی کرینگی شہباز شریف اور مریم نواز قوم کیساتھ مل کر دکھی انسانیت کا ہاتھ تھامیں گے۔

آخر میں نواز شریف کا کہنا تھا کہ یہ موقع ہے کہ ہم مشکل میں گھرے بہن بھائیوں کو تنہا نہ چھوڑیں تاکہ روز محشر اپنے رب کے حضور سرخرو ہوسکیں۔