فوج پر غداری کے الزامات لگانے والے رات کی تاریکی میں پردوں کے پچھے کیوں چھپ چھپ کرسپہ سالارسے ملتے ہیں، ڈی جی آئی ایس آئی

ڈی جی آئی ایس پی آر اور ڈی جی آئی ایس آئی نے مشترکہ پریس کانفرنس کرتے ہوئے کہا ہے کہ ایک مخصوص جھوٹا بیانیہ بنا کر لوگوں کو گمراہ کیا گیا اداروں پر اور اسکی لیڈر شپ یہاں تک کی آرمی چیف پر بھی بے جا الزام تراشی کی گئی معاشرے میں تقسیم اور غیر معمولی اضطراب پیدا کرنے کی کوشش کی گئی

ڈی جی آئی ایس پی آرکا کہنا تھا کہ آرمی چیف نے 11مارچ کو کامرہ میں عمران خان سے خود سائفر کا تذکرہ کیا تو انہوں نے کہا کہ یہ کوئی بڑی بات نہیں لیکن حیران کن طور پر جب ایک جلسہ مین کاغذ کا ٹکڑا لہرا ایک بیانیہ دینے کی کوشش کی گئیسائفر کے حوالے سے حقائق منظر عام پر آنے سے کھوکھلی من گھڑت کہانی بے نقاب ہوچکی ہے کہ کس طرح پاکستانی سفیر کی رائے کو اپنے سیاسی مقاصد کیلئے استعمال کیاگیا آئی ایس آئی نے صاف بتادیا تھا کہ حکومت کیخلاف کسی قسم کی سازش کے کوئی شواہد نہیں ملے

انکا کہنا تھا کہ پاکستانی اداروں بالخصوص فوج کی لیڈرشپ کو نشانہ بنایا گیا ارشد شریف اور دیگر کئی صحافیوں اور سوشل میڈیا ایکٹیوسٹ کو ایک مخصوص بیانیہ فیڈ کیا گیا ذہن سازی کے ذریعہ قوم اور افواج پاکستان میں سپاہ اور لیڈرشپ میں نفرت پیدا کرنے کی کوشش کی گئی

ڈی جی آئی ایس پی آر نے اس موقع پر انکشاف کیا کہ فوج کیخلاف میڈیا ٹرائل میں اے آر وائی چینل نے بالخصوص پاکستان آرمی اور لیڈرشپ کے حوالے سے ایک جھوٹے اور سازشی بیانیے کو فروغ دینے میں ایک سپن ڈاکٹر کا کردار ادا کیا اور ایجنڈا سیٹنگ کے ذریعہ فوج کے خلاف ایک مخصوص بیانیہ کو پروان چڑھایا انہوں نے مزید کہا کہ فوج سے ایک سیاسی مداخلت کی توقع کی گئی جو آئین پاکستان کیخلاف ہے

انکا کہنا تھا کہ ارشد شریف کے ملک سے باہر جانے کی ٹکٹ اے آر وائے کے کہنے پر بک ہوئی ارشد شریف پختونخواہ حکومت کے پروٹوکول میں پشاور ائیرپورٹ گئے چیف منسٹر سیکرٹریٹ کے سٹاف نے ائیرپورٹ کے تمام کاونٹر پر معاونت کی اور انہیں جہاز تک پہنچایا گیا انکو روکنے کی حکومت کی جانب سے کوئی کوشش نہیں کی گئی

اس موقع پر ڈی جی آئی ایس آئی نے کہا کہ میر جعفر میر صادق کہنا غدار کہنانیوٹرل اسلئے کہا جارہا ہے کیونکہ فوج نے غیر آئینی غیر قانونی کام کرنے سے انکار کردیا تھا ہم اس نتیجہ پر پہنچ گئے تھے کہ ہم اپنے کردار کو آئینی حدود تک محدود کرلیں اگر آپ سمجھتے ہیں کہ آپکا سپہ سالار غدار ہے میر جعفر ہے تو پھر ان سے پس پردہ کیوں ملتے ہیں رات کی خاموشی میں بند دروازوں کے پیچھے ہمیں کیوں ملتے ہیں اپنی غیر آئینی خواہشات کا اظہار کرتے ہیں اور دن کی روشنی میں اسی بندے کو غدار کہتے ہیں

ڈی جی آئی ایس آئی نے کہا کہ آرمی چیف کی تقرری اپنے وقت پر ہوگی اور آئینی طریقہ کار سے ہوگی اس میں کسی کو کوئی شک نہیں رہنا چاہیے

اس موقع پر ڈی جی آئی ایس پی آرنے کہا کہ ماضی میں ہم سے غلطیاں ہوئیں اور اسکی تاریخ ہے اور اسی وجہ سے ہم پر آج بھی ہم پر انگلیاں اٹھتی ہیں جس کا قرض ہم آج ادا کررہے ہیں

ڈی جی آئی ایس پی آر نے واضع طور پر کہا کہ کسی کو بھی پاکستان کو ڈی سٹیبلائز کرنے کی نہ کوشش کرنے دینگے اور نہ ہی اسکی اجازت دی جائیگی ڈی جی آئی ایس آئی نے کہا کہ اگر حکومت آرٹیکل 245 کے تحت فوج کو بلاتی ہے تو فوج حکومت کی مدد کیلئے آئیگی