وہ ایک آدمی

وہ میر جعفر وہ میر صادق وہ مسٹر ایکس وہ مسٹر وائے سے بات چلتے ہوئے اب وہ ایک آدمی تک آن پہنچی ہے بقول شاعر

مری زبان کے موسم بدلتے رہتے ہیں

میں آدمی ہوں مرا اعتبار مت کرنا

 مگریہاں پرایک آدمی کس کو وہ ایک آدمی کہہ کر پکار رہا ہے؟

وہ ایک آدمی وہ ہے جس نے عدالت پر اثر انداز ہوکرآپکے مخالفین کو الیکشن سے قبل نااہل کروا کر جیل میں ڈلوایا

 وہ ایک آدمی وہ ہے جس نے 2018 کے انتخابات کو مینج کیا

وہ ایک آدمی ہو ہے جس نے 2018 کے انتخابات میں آرٹی ایس بٹھایا

وہ ایک آدمی وہ ہے جس نے آپکو وزارت عظمی کے منصب تک پہینچایا

وہ ایک آدمی وہ ہے جس نے آپکے وزرات عظمی کے منصب تک پہنچنے کیلئے مطلوبہ ووٹوں کا بندوبست کیا

وہ ایک آدمی وہ ہے جس نے آپکے مخالفین کوایک مرتبہ پھرجیل یاترا کروائی

وہ ایک آدمی وہ ہے جو آپکے لیے خارجہ پالیسی بناتا اور چلاتا رہا

وہ ایک آدمی وہ ہے جو آپکے لیے معیشت کوچلانے کی کوشش کرتا رہا

وہ ایک آدمی وہ ہے جو آپکے بیرون ممالک دوروں کے آپکے ساتھ جاتا اور آپکی پی آر بڑھاتا رہا

وہ ایک آدمی وہ ہے جس نے سینٹ چئیرمین کے انتخابات کے وقت آپکی اقلیت کو اکثریت میں تبدیل کیا

وہ ایک آدمی وہ ہے جس نے آپکے اعتماد کے ووٹ کے وقت آپکے لیے مطلوبہ نمبر کو پورا کیا

وہ ایک آدمی وہ ہے جس نے آئین وقانون کیخلاف جاکر آپکی ہر سو ہر جانب سے مدد کی

وہ ایک آدمی وہ ہے جس نے اپنے حلف کے برعکس آپکوسپورٹ کیا

اور آج جب وہ چلا گیا ہے اور آپکا اس سے مطلب نکل چکا ہے تو وہ جسے آپ باس کہہ کر پکارتے رہے وہ باس سے وہ ایک آدمی بن گیا ہے

آپکی احسان فراموشی کی ایک طویل داستان کے متعلق سنا تو تھا لیکن اب تو پورے پاکستان نے اپنی آنکھوں سے دیکھ اور سن لیا ہے اس احسان فراموشی کی داستان ویسے تو کئی دہائیوں پر پھیلی ہوئی ہے لیکن اس کی تازہ ترین جھلک وہ آدمی کہہ کر پکارنا ہے اور وہ ایک آدمی بیٹھا گنگنا رہا ہوگا

سوچتا ہوں کہ وہ کتنے معصوم تھے

کیا سے کیا ہوگئے دیکھتے دیکھتے

میں نے پتھر سے جن کو بنایا صنم

وہ خدا ہو گئے دیکھتے دیکھتے