جنرل باجوہ نے انتخابات میں عمران خان کی مدد کی، صدر عارف علوی

میڈیا رپورٹس کیمطابق صدر عارف علوی کا کہنا ہے کہ عمران خان کو عام انتخابات اور سینٹ انتخابات کے موقع پرسابق آرمی چیف جنرل قمرباجوہ کی مدد حاصل رہی  

واضع رہے کہ عمران خان حکومت میں ہوتے ہوئے خود بھی کئی مرتبہ تسلیم کرچکے ہیں کہ جنرل باجوہ نے ہماری حکومت کی مشکل وقت میں مدد کی ہماری فارن پالیسی میں جنرل باجوہ ہمارے ساتھ کھڑے رہے عمران خان کہتے تھے کہ جنرل باجوہ سب سے زیادہ جہوریت پسند جرنیل ہیں وہ سلجھے ہوئے آدمی ہیں وہ جمہوریت میں یقین رکھتے ہیں عمران خان اپنی تقاریر میں جنرل باجوہ کی حمایت پر انکو داد دیتے رہے۔

لیکن جب سے عمران خان تحریک عدم اعتماد کے نتیجہ میں حکومت سے نکالے گئے ہیں وہ مسلسل جنرل باجوہ کو کبھی نام لیکر اور کبھی نام لیے بغیر تنقید کا نشانہ بناتے ہوئے کہہ رہے ہیں کہ جنرل باجوہ نے پاکستان کیساتھ جو کیا وہ کوئی دشمن بھی نہیں کرسکتا تھا جنرل باجوہ نے میرے مخالفین کو این آراو دیا اس ملک میں اصل ظلم جنرل باجوہ نے کیا جنرل باجوہ نے ہمارے ساتھ کھلی دشمنی کی جنرل باجوہ کے دور میں ہیومن رائٹس کی سب سے زیادہ خلاف ورزی جنرل باجوہ کے دور میں ہوئی۔

عمران خان ایک جانب جنرل باجوہ پر اپنی حکومت کیخلاف سازش کا الزام لگا رہے ہیں اور کہتے ہیں کہ میں اس وقت جنرل باجوہ کیخلاف بات اسلئے نہیں کرتا تھا کیونکہ وہ اس وقت وہ آرمی چیف تھے اورآجکل انکو وہ ایک آدمی کہہ کر پکار رہے ہیں  جبکہ انہی کی جماعت کے اہم رکن جو اب صدر مملکت بھی ہیں انہوں نے جنرل باجوہ کو عمران خان کا مددگار قرار دیا ہے۔

واضع رہے کہ جب جنرل باجوہ آرمی چیف تھے تو عمران خان انکی تعریفیں کیا کرتے تھے اورانکے جانے کے بعد انکو جنرل باجوہ میں سوائے خامیوں کے کچھ نظرنہیں آرہا اب جبکہ جنرل عاصم منیر نئے آرمی چیف بن گئے ہیں انکے بارے میں عمران خان کہتے ہیں کہ نئے آرمی چیف کے متعلق بڑی اچھی چیزیں سنی ہیں انکی بڑی تعریفیں سنی ہیں اور میں یقین رکھتا ہوں وہ امر بالمعروف پر چلیں گے یاد رہے کہ یہ وہی عاصم منیر ہیں جنہوں نے امر بالمعروف پر چلتے ہوئے عمران خان کے دور میں بطور ڈی جی آئی ایس آئی کرپشن کی فائلیں عمران خان کے سامنے رکھی تھیں تو اس پرناپسندیدگی کا اظہار کرتے ہوئے وہ ایک آمی جنرل باجوہ کے ذریعہ انکو تبدیل کروادیا گیا تھا۔

جبکہ ایوان صدر کا کہنا ہے کہ صدر عارف علوی  کے بیان کو سیاق و سباق سے ہٹ کر پیش کیا گیا ان سے غلط بیان منسوب کیا گیا ہے۔