پنجاب حکومت نے نیا ہتکِ عزت قانون (ڈیفیمیشن لاء) متعارف کرانے کا اعلان کر دیا جس کے مطابق ہتکِ عزت کے سول معاملات کیلئے ٹربیونلز 21 روز میں فیصلہ دیں گے جبکہ مجرم پر 30 لاکھ روہے جرمانہ/ہرجانہ عائد کیا جائے گا۔
دوبئی پراپرٹی لیکس؛ سترہ ہزار سے زائد پاکستانیوں کی تقریباً 11 ارب ڈالرز کی جائیدادوں کا انکشاف۔ جنرل (ر) پرویز مشرف، سابق صدر عارف علوی کی بہو، صدر آصف زرداری کے بچوں، جنرل (ر) قمر جاوید باجوہ کے بیٹے، شیر افضل مروت اور فرح گوگی سمیت اہم نام شامل۔
مسلح افواج میں سب سے پہلے قرآن کا حلف ایوب خان نے توڑا، ایوب خان کی لاش کو قبر سے نکال کر پھانسی پر لٹکا دینا چاہیے، عمر ایوب جیسے لوگوں نے اتنی بار ولدیتیں بدلی ہیں کہ اب انہیں اپنی تمام ولدیتیں بھول چکی ہیں، وزیرِ دفاع خواجہ آصف۔
وزیراعظم شہباز شریف نے مسلم لیگ (ن) کی صدارت سے استعفٰی دے دیا، جماعت کی مرکزی مجلسِ عاملہ کا اجلاس 18 مئی کو طلب کر لیا گیا جس میں سابق وزیراعظم میاں محمد نواز شریف کو ایک بار پھر پاکستان مسلم لیگ (ن) کا صدر منتخب کیا جائے گا۔
پاکستان سٹاک ایکسچینج 100 انڈیکس جون 2025 تک 1 لاکھ 6 ہزار پوائنٹس تک پہنچنے کی توقع ہے، اگلے 12 ماہ کے دوران سرمایہ کاری میں اضافہ کے ساتھ مالی سال 2025 کیلئے جی ڈی پی 3 اعشاریہ 5 فیصد سے 4 فیصد تک بڑھنے کا تخمینہ لگایا گیا ہے۔
مسلم لیگ (ن) اور اتحادی جماعتوں کا اقتدار میں واپس آنا ملکی معاشی استحکام اور پالیسیز کے تسلسل کیلئے خوش آئند ہے، کاروبار اور غیر ملکی سرمایہ کاری میں اضافہ ہوا ہے جبکہ مہنگائی میں کمی واقع ہوئی ہے۔
عمران خان نے سماجی و ریاستی نظام کے وجود کو تباہ کرنے کی کوشش کی، عمران خان اگر معافی مانگیں اور رویہ بہتر کریں تو معافی مل بھی سکتی ہے، نو مئی ریاست پر حملہ تھا، ریاست دہشتگردی کے خلاف طاقت کے استعمال کا حق رکھتی ہے۔
بیرون ملک پاکستانیوں نے اپریل میں ترسیلات زر کی مد میں 2.8 ارب ڈالر پاکستان بھیجے جس کے نتیجہ میں ملک کے زرمبادلہ کے ذخائر میں نمایاں بہتری آئی اور پاکستانی روپے کی قدر میں استحکام دیکھنے میں آیا۔
سانحۂ 9 مئی کے منصوبہ سازوں، سہولتکاروں اور اس میں ملوث ذمہ داروں کیساتھ نہ کوئی سمجھوتہ ہو سکتا ہے اور نہ ہی انہیں قانون کی دھجیاں اڑانے کی اجازت دی جائے گی۔ 9 مئی کے اصل مجرموں کو انصاف کے کٹہرے میں لانا ہوگا۔
آئرلینڈ، اسپین اور یورپی یونین کے دیگر ممالک 21 مئی کو فلسطین کی ریاست کو مشترکہ طور پر تسلیم کرنے کے فیصلے کی جانب بڑھ رہے ہیں جسے خطے میں امن و استحکام کی طرف ایک اہم قدم سمجھا جا رہا ہے۔
