پاکستان کے 2024 کے عام انتخابات کی ہماری کوریج، جیسے شائع ہوئی تھی ویسے ہی محفوظ۔
مریکہ پاکستان پر مزید دباؤ ڈالے کیونکہ یہ امریکہ کا فرض بنتا ہے، ہم امریکہ کو اس کی ذمہ داری یاد دلا رہے ہیں، امریکہ کو پاکستان میں انتخابی دھاندلی کے خلاف آواز بلند کرنی چاہیے۔
اس بات پر قائم ہوں کہ نواز شریف چوتھی بار وزیراعظم منتخب ہوں گے اور ہم ان کی قیادت میں پاکستان کو لگے زخم بھریں گے، ہم پر دھاندلی کے الزامات لگائے جا رہے ہیں حالانکہ ہماری جماعت کے کئی سینئر راہنما آزاد امیدواروں سے ہار گئے، مسلم لیگ (ن) کے پاس مرکز اور پنجاب میں اکثریت ہے۔
کسی بھی مُلْک کو ہمارے اندرونی معاملات میں مداخلت کا کوئی حق حاصل نہیں، سیاسی لوگوں کو پُرامن احتجاج کا حق حاصل ہے لیکن پُرتشدد احتجاج کے خلاف کارروائی کی جائے گی، کسی صورت انارکی کی اجازت نہیں دیں گے، نگران وزیراعظم انوار الحق کاکڑ۔
قومی اسمبلی کی نشستوں پر آزاد حیثیت سے منتخب ہو کر مسلم لیگ (ن) میں شمولیت اختیار کرنے والے اراکین کی تعداد 6 ہو گئی، مرکز میں سب سے بڑی جماعت بن کر ابھرنے والی مسلم لیگ (ن) کے ارکان کی مجموعی تعداد 81 ہو گئی۔
تحریکِ انصاف نے آرمی چیف جنرل عاصم منیر سے انتخابی نتائج کے معاملات میں مداخلت کی درخواست کر دی، تحریکِ انصاف نے عوامی مینڈیٹ کا دعویٰ کرتے ہوئے جیلوں میں قید پارٹی راہنماؤں کی رہائی کا بھی مطالبہ کر دیا۔
عمران خان اس قابل ہی نہیں ہیں کہ کوئی حکومت چلا سکیں، وہ بطور وزیراعظم سندھ حکومت کو اہمیت نہیں دیتے تھے، وہ سیلاب کے دوران بھی سندھ نہ آئے، شہباز شریف نے بطور وزیراعظم ہماری بات سنی اور ساتھ لے کر چلے۔
مسلم لیگ (ن) مرکز اور پنجاب میں سب سے بڑی جماعت بن کر ابھری ہے، ہم اپنے سینوں میں پاکستان کا درد رکھتے ہیں، ہم پاکستان کو بھنور سے نکالنے کیلئے سب کو دعوت دیتے ہیں کہ آئیں ہمارے ساتھ بیٹھیں، ہم پاکستان کی خدمت کرنا چاہتے ہیں۔
مسلم لیگ (ن) وفاق اور پنجاب میں سب سے بڑی جماعت بن کر ابھر رہی ہے، میڈیا کے ایک حصہ نے حقائق سے برعکس تاثر پیدا کیا، کچھ نتائج کا انتظار ہے، نواز شریف حتمی نتائج موصول ہونے کے بعد وکٹری سپیچ کریں گے۔ مریم نواز شریف
پاکستان کے مسائل کے حل کیلئے ایک پارٹی کو اکثریت ملنا بہت ضروری ہے تب ہی اس ملک کے مسائل حل ہوسکتے ہیں۔ ایک پارٹی کو پورا مینڈیٹ ملنا چاہیے تاکہ اسکا دوسروں پر دارومدار نہ ہو۔
نواز شریف الیکشن میں فتحیاب ہو کر وزیراعظم منتخب ہوتے دکھائی دے رہے ہیں، وہ مشکل ترین حالات سے نکل کر سیاسی میدان میں ابھرنے کی بھرپور صلاحیت رکھتے ہیں، نواز شریف ملک کی معاشی اور سفارتی سطوح پر بہتری لا سکتے ہیں، دی واشنگٹن پوسٹ۔
