spot_img

Columns

News

مستقبل کا راستہ چن لیا ہے، موجودہ آئی ایم ایف پروگرام آخری ہو گا۔ وزیراعظم شہباز شریف

مستقبل کا راستہ چن لیا ہے، وعدہ کرتا ہوں موجودہ آئی ایم ایف پروگرام آخری ہو گا، ایسے اداروں کا خاتمہ کیا جائے گا جو پاکستان پر بوجھ بن چکے، ماضی میں جب بھی ترقی کا سفر شروع ہوا کوئی حادثہ ہو گیا۔

خطبہِ حج 1445 ہجری، امام شیخ ماہر بن حمد المعیقلی

اے لوگو! اللّٰه سے ڈرو جیسے اس سے ڈرنے کا حق ہے، اللّٰه تعالٰی اپنی ذات میں واحد ہے، تمام مسلمان ایک دوسرے کے بھائی ہیں، والدین کا نافرمان نہ دنیا میں کامیاب ہو گا نہ آخرت میں، اللّٰه نے شرک کو حرام کر دیا، فلسطین کے مسلمانوں کیلئے دعا کرتا ہوں۔

عید سے قبل پٹرولیم مصنوعات کی قیمتوں میں بڑی کمی کردی گئی

وزیراعظم شہباز شریف نے عید پر پیٹرول کی قیمت میں 10 روپے 20 پیسے اور ڈیزل کی قیمت میں 2 روپے 33 پیسے کمی کا اعلان کیا ہے۔ نئی قیمتیں آج رات 12 بجے سے نافذ ہوں گی۔ حکومت نے یکم جون کو بھی قیمتیں کم کی تھیں، جس سے عوام کو مجموعی طور پر 35 روپے کا ریلیف ملا ہے۔

عدلیہ میں اسٹیبلشمنٹ کی مداخلت کا خاتمہ جلد ہونے والا ہے، چیف جسٹس لاہور ہائی کورٹ

عدلیہ میں اسٹیبلشمنٹ کی مداخلت زیادہ ہے، یہ سلسلہ مولوی تمیز الدین کیس سے شروع ہوا، عدلیہ اس مداخلت کے خلاف جدوجہد کر رہی ہے اور جلد اس کا خاتمہ ہونے والا ہے، ایک جج کو کسی کا ڈر نہیں ہونا چاہیے۔

پاکستان اسٹاک مارکیٹ دنیا کی بہترین کارکردگی والی مارکیٹ بن گئی, امریکی جریدہ بلومبرگ

پاکستان اسٹاک مارکیٹ نے بہترین کارکردگی کی بنا پر ڈالر میں دنیا کی ٹاپ پرفارمر سٹاک مارکیٹ کا اعزاز حاصل کر لیا ہے، جس میں گزشتہ ایک برس کے دوران تقریباً دوگنا اضافہ ہوا ہے۔ اس اضافہ کو ملکی معیشت کے لیے مثبت اشارہ قرار دیا جا رہا ہے اور حکومتی اقدامات کی بدولت مستقبل میں مزید بہتری کی امید کی جا رہی ہے۔
spot_img
Newsroomسپریم کورٹ نے الیکشن کمیشن سے متعلق لاہور ہائی کورٹ کا فیصلہ...

سپریم کورٹ نے الیکشن کمیشن سے متعلق لاہور ہائی کورٹ کا فیصلہ معطل کر دیا

سپریم کورٹ نے الیکشن کمیشن (آر اوز، ڈی آر اوز) سے متعلق لاہور ہائی کورٹ کا فیصلہ معطل کر دیا، لاہور ہائی کورٹ کو اس حوالہ سے کارروائی روکنے کا حکمالیکشن کمیشن آج ہی انتخابی شیڈول جاری کرے۔

spot_img

اسلام آباد (تھرسڈے ٹائمز) — سپریم کورٹ آف پاکستان نے الیکشن کمیشن (آر اوز، ڈی آر اوز) سے متعلق لاہور ہائی کورٹ کا فیصلہ معطل کر دیا، سپریم کورٹ نے حکم جاری کیا ہے کہ الیکشن کمیشن آج ہی انتخابی شیڈول جاری کرے اور اپنی آئینی ذمہ داریاں ادا کرے۔

الیکشن کمیشن آف پاکستان کی لاہور ہائی کورٹ کے فیصلے کے خلاف درخواست پر ہنگامی بنیادوں پر سماعت کے بعد حکم نامہ جاری کرتے ہوئے سپریم کورٹ نے کہا ہے کہ سنگل جج لاہور ہائی کورٹ نے غیر معمولی عجلت میں فیصلہ دیا، سنگل جج کے عدالتی حکم سے پورے ملک میں الیکشن کمیشن کا کام رک گیا۔

سپریم کورٹ نے لاہور ہائی کورٹ کو آر اوز، ڈی آر اوز سے متعلق درخواست پر کارروائی سے روکنے کا حکم جاری کرتے ہوئے کہا کہ لاہور ہائی کورٹ نے اپنی حدود سے تجاوز کرتے ہوئے حکم جاری کیا،

سپریم کورٹ نے تحریکِ انصاف کے وکیل عمیر نیازی کو توہینِ عدالت کا نوٹس جاری کرتے ہوئے کہا ہے کہ کسی کو جمہوریت ڈی ریل کرنے کی اجازت نہیں دی جا سکتی لیکن ایک شخص نے ایسی کوشش کی ہے، عمیر نیازی نے بظاہر جمہوری عمل میں رکاوٹ ڈالی ہے،

سپریم کورٹ آف پاکستان میں آج چیف جسٹس قاضی فائز عیسیٰ سے چیف الیکشن کمشنر سکندر سلطان راجا کی ملاقات ہوئی جبکہ اس ملاقات میں جسٹس سردار طارق مسعود، جسٹس اعجاز الاحسن اور اٹارنی جنرل منصور عثمان بھی شریک تھے۔

اس اہم ملاقات کے بعد الیکشن کمیشن آف پاکستان نے لاہور ہائی کورٹ کے فیصلے کے خلاف سپریم کورٹ میں اپیل دائر کی جس کی چیف جسٹس قاضی فائز عیسیٰ کی سربراہی میں تین رکنی بینچ نے ہنگامی بنیادوں پر سماعت کی، بینچ میں جسٹس سردار طارق مسعود اور جسٹس منصور علی شاہ شامل تھے جبکہ سماعت کو براہِ راست نشر کیا گیا۔

چیف جسٹس قاضی فائز عیسیٰ نے سماعت کے آغاز پر کہا کہ اس بینچ کی تشکیل کیلئے کمیٹی نے فیصلہ کرنا تھا جس کیلئے میں نے سینئر ترین ججز کا نام دیا لیکن جسٹس اعجاز الاحسن کسی وجہ سے اس بینچ کا حصہ نہیں بن سکے تاہم انہوں نے اس بینچ کی منظوری دی ہے اور اس کے بعد بقیہ دو سینئر ترین ججز اس بینچ کا حصہ بنے ہیں۔

چیف جسٹس قاضی فائز عیسیٰ نے استفسار کیا کہ وہ نیازی صاحب کدھر ہیں جنہیں یہ انتخابات نہیں چاہئیں اور وہ انتخابات کو چیلنج کر رہے ہیں؟ پہلے اسی سیاسی جماعت کے کیس کا فیصلہ کیا تھا، تب انہوں نے ایسا کیوں نہیں کہا؟

چیف جسٹس قاضی فائز عیسیٰ نے الیکشن کمیشن کے خلاف لاہور ہائی کورٹ میں درخواست گزار کے متعلق پوچھا کہ یہ بیرسٹر عمیر خان نیازی کون ہے؟ کیا یہ نیازی کسی دوسرے نیازی کا رشتہ دار ہے؟ کیسے ہو سکتا ہے کہ ایک آدمی آئے اور پورے پاکستان کے انتخابات کو سبوتاژ کر دے؟ عمیر نیازی توہین کا مرتکب ہوا ہے کیونکہ وہ جمہوریت کو ڈی ریل کر رہا پے، ملک کو گروی رکھنے والے عمیر نیازی کو ریلیف کیوں دیں؟ الیکشن کا التواء سپریم کورٹ کے حکم کی خلاف ورزی ہے، کیسے اس پر آرڈر پاس کر دیا گیا؟

تحریک انصاف کی درخواست پر الیکشن کمیشن کا نوٹیفکیشن معطل کرنے والے لاہور ہائی کورٹ کے جج کے متعلق بات کرتے ہوئے چیف جسٹس قاضی فائز عیسیٰ نے کہا کہ عجیب بات ہے کہ انتخابات سے متعلق جس جج نے آرڈر جاری کیا وہی جج اب لارجر بینچ بنانے کا کہہ رہا ہے جبکہ وہی جج اس لارجر بینچ کی سربراہی بھی کرے گا، ایک جج جب معاملہ لارجر بینچ کیلئے بھیج رہا ہے تو پھر ساتھ آرڈر کیسے جاری کر سکتا ہے؟

جسٹس سردار طارق مسعود نے ریمارکس دیئے کہ وہ کون ہیں جو انتخابات نہیں چاہتے؟ جب سپریم کورٹ آرڈر پاس کر چکی ہے تو کون ہے جو انتخابات نہیں ہونے دینا چاہتا؟
چیف جسٹس قاضی فائز عیسیٰ نے کہا کہ اگر الیکشن کمیشن کو الیکشن نہیں کروانے دینا تو پھر الیکشن کے متعلق آرڈر پاس کرنے والے ان جج صاحب کو کہیں کہ وہ جا کر الیکشن کروا لیں۔

چیف جسٹس قاضی فائز عیسیٰ نے وکیل الیکشن کمیشن کو مخاطب کرتے ہوئے کہا کہ ابھی تک آپ نے الیکشن شیڈول نہیں دیا، ٹریننگ روک دی مگر آپ کا شیڈول کدھر ہے؟ شیڈول دکھائیں۔
الیکشن کمیشن کے وکیل نے جواب دیا کہ ٹریننگ کے بعد الیکشن شیڈول دیں گے۔
جسٹس سردار طارق مسعود نے کہا کہ کہاں لکھا ہوا ہے کہ ٹریننگ کے بعد شیڈول جاری ہو گا؟

الیکشن کمیشن آف پاکستان نے 8 فروری 2024 کو ملک بھر میں عام انتخابات کے انعقاد کا اعلان کر رکھا ہے تاہم چند روز قبل تحریکِ انصاف کی جانب سے لاہور ہائی کورٹ میں عام انتخابات کیلئے بیوروکریسی کی خدمات لینے کا الیکشن کمیشن کا فیصلہ چیلنج کیا تھا۔

لاہور ہائی کورٹ نے گزشتہ روز تحریکِ انصاف کی درخواست پر الیکشن کمیشن کا انتخابات کیلئے بیوروکریسی کی خدمات لینے کا نوٹیفکیشن معطل کر دیا تھا جبکہ آج چیف جسٹس لاہور ہائی کورٹ کی سربراہی میں 5 رکنی لارجر بینچ بھی تشکیل دے دیا گیا جس نے 18 دسمبر کو کیس کی سماعت کرنا تھی۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: