spot_img

Columns

News

آئین کے تحت ایڈہاک ججز کی تعیناتی چیف جسٹس نے نہیں بلکہ جوڈیشل کمیشن نے کرنی ہے، وزیر قانون

آئین کے مطابق ایڈہاک ججز کی تعیناتی چیف جسٹس نے نہیں بلکہ جوڈیشل کمیشن نے کرنی ہے۔ چیف جسٹس نے توسیع میں دلچسپی ظاہر نہیں کی، جبکہ جسٹس منصور علی شاہ اس تجویز سے متفق تھے۔ تحریک انصاف رہنماؤں پر آرٹیکل 6 کا معاملہ پارلیمنٹ میں لایا جا سکتا ہے۔

اسٹیبلشمنٹ تسلیم کرتی ہے نواز شریف کیساتھ زیادتی کی گئی جس کا خمیازہ پاکستان کو بھگتنا پڑا، سینئر صحافی

موجودہ اسٹیبلشمنٹ کا ماننا ہے کہ 2014 سے میاں نواز شریف کے ساتھ ناانصافی ہوئی اور اگر اس وقت کے اقدامات نہ ہوتے تو آج پاکستان اس بحران میں نہ ہوتا۔ عدلیہ کو پیغام دیا گیا ہے کہ آپ نے اپنا زور لگا لیا، اب ہماری باری ہے۔ فیصلہ کر لیا گیا ہے کہ جو جرم کا اعتراف نہیں کرے گا، وہ نتائج کے لیے تیار ہو جائے۔

امریکی صدر جو بائیڈن کا سپریم کورٹ میں بڑے پیمانے پر تبدیلیوں کی منظوری کا منصوبہ، واشنگٹن پوسٹ

  امریکی صدر جو بائیڈن امریکی سپریم کورٹ میں اہم تبدیلیوں کی منظوری کے منصوبے کو حتمی شکل دینے جارہے ہیں جن میں ججوں کی مدت ملازمت اور قابل عمل اخلاقی کوڈ کے قیام کے لیے قانون سازی سمیت صدور اور دیگر آئینی عہدیداروں کے لئے وسیع استثنیٰ کو ختم کرنا شامل ہے۔

پی ٹی آئی پر پابندی عائد ہونی چاہیے اور آرٹیکل 6 لگنا چاہیے، وزیرِ دفاع خواجہ آصف

ہم نے آئین کے تحفظ کا حلف اٹھایا ہے، تحریکِ انصاف پر آرٹیکل 6 ضرور لگنا چاہیے، پی ٹی آئی پر پابندی کیلئے پارلیمنٹ میں اتحادی جماعتوں سے مشاورت کریں گے، نو مئی پاکستان کے وجود پر حملہ تھا، امریکا غزہ سے متعلق بھی تشویش کا اظہار کرے۔

عالمی منڈی میں تیل کی قیمتوں میں اضافہ، وفاقی حکومت نے نئی قیمتوں کا اعلان کر دیا

عالمی منڈی میں تیل کی قیمتوں میں اضافہ کے بعد وفاقی حکومت نے بھی قیمتوں میں اضافہ کا اعلان کر دیا۔ پیٹرول کی قیمت میں فی لیٹر 9 روپے 99 پیسے جبکہ ہائی سپیڈ ڈیزل کی قیمت میں فی لیٹر 6 روپے 18 پیسے اضافہ کا اعلان کیا گیا ہے۔
spot_img
Newsroomمیڈیا سمیت کسی کو بغیر ثبوت کسی کی عزت اچھالنے، تہمت لگانے...

میڈیا سمیت کسی کو بغیر ثبوت کسی کی عزت اچھالنے، تہمت لگانے کی اجازت نہیں دی جا سکتی، مریم نواز

میڈیا کا احترام ہے، لیکن بغیر ثبوت کے کسی کی عزت اچھالنے کی اجازت نہیں دی جا سکتی۔ ہتک عزت قانون کے تحت، اگر الزام ثابت نہ ہو اور بدنیتی سے لگایا گیا ہو، تو الزام لگانے والے کو سزا ملنی چاہیے۔ جرم کی تصدیق ہونے پر، مجرم چاہے کسی بھی مذہب سے ہو، اسے سزا ملنی چاہیے۔ توہین مذہب کے الزامات ذاتی حساب چکانے کے لیے استعمال ہوتے ہیں، جو غلط ہے۔ بغیر ثبوت الزام لگانا اور قانون کو ہاتھ میں لینا بڑا جرم ہے۔

spot_img

لاہور (تھرسڈے ٹائمز) — وزیراعلیٰ پنجاب مریم نواز نے قرآن پاک کی بے حرمتی کے بڑھتے ہوئے واقعات پر شدید تشویش کا اظہار کیا ہے۔ انہوں نے کہا کہ یہ واقعات دل کو بہت تکلیف پہنچاتے ہیں اور ہمیں ان کی روک تھام کے لیے مل کر اقدامات کرنے کی ضرورت ہے۔ مریم نواز نے زور دیا کہ ہمیں ان واقعات کی وجوہات جاننی چاہئیں کہ یہ کیوں بڑھ رہے ہیں۔

وزیراعلیٰ پنجاب نے کہا کہ کئی مرتبہ توہین مذہب کے الزامات کو ذاتی حساب چکانے کے لیے استعمال کیا جاتا ہے، جو کہ ایک غلط رویہ ہے۔ انہوں نے کہا کہ بغیر کسی ثبوت کے کسی پر الزام لگانا اور قانون کو اپنے ہاتھ میں لینا ایک بہت بڑا جرم ہے اور اس سے کسی کی بھی جان محفوظ نہیں رہ سکتی۔

مریم نواز نے کہا، میرا تعلق ایک مذہبی گھرانے سے ہے۔ دین اور اسلام سے محبت، دین کے احکامات پر عمل اور نبی کریم ﷺ سے محبت میرے خون میں شامل ہے۔ جب میرے والد کو نااہل کیا گیا اور میں اپنی والدہ کی الیکشن مہم چلا رہی تھی، تو چند افراد کی جانب سے جن الزامات کا سامنا کرنا پڑا، وہ ایک تکلیف دہ عمل تھا۔

انہوں نے مزید کہا کہ اللہ تعالیٰ نے مجھے اس کرسی پر بٹھایا ہے اور انصاف کرنا میرا فرض ہے۔ جب بھی کوئی ایسا معاملہ میرے سامنے آتا ہے اور جرم کی تصدیق ہوجاتی ہے، تو پھر وہ شخص چاہے مسلمان ہو، سکھ ہو، عیسائی ہو یا کچھ اور، وہ مجرم بن جاتا ہے اور اس کو اس کے کیے کی سزا ملنی چاہیے۔

ایک بچے کے ساتھ زیادتی کے واقعے کا ذکر کرتے ہوئے مریم نواز نے بتایا کہ ایک مذہبی شخصیت کے جرم ثابت ہونے پر جب پولیس نے اسے پکڑا تو اس کو مذہبی مسئلہ بنا دیا گیا اور اس کے بعد ان کے خلاف فتوے جاری کیے گئے۔ انہوں نے کہا کہ جو شخص مذہب کو بدنام کرتا ہے، وہ سب سے بڑا مجرم ہے۔

انہوں نے مزید کہا کہ قرآن اور مذہب کی توہین کی بہت زیادہ شکایات آرہی ہیں جن پر ہمیں سر جوڑ کر بیٹھنا چاہیے۔ ایسے واقعات کی تفصیل میں جائے بغیر اچانک اعلان کر دیا جاتا ہے اور پولیس کے پہنچنے سے پہلے ہی لوگ جلاؤ گھیراؤ اور قتل و غارت شروع کر دیتے ہیں۔ اس پر ہمیں بہت زیادہ توجہ دینے اور تدارک کرنے کی ضرورت ہے۔

بچیوں کے اسکول جانے کے حوالے سے فتوے جاری کرنے والوں پر بات کرتے ہوئے مریم نواز نے کہا، ہم سب جانتے ہیں کہ نبی کریم ﷺ کے اس بارے میں کیا احکامات ہیں اور کیا احادیث مبارکہ ہیں۔ اس کے مخالف جا کر فتوے جاری کرنا بذات خود ایک بڑا جرم ہے جس کی روک تھام ہمارا فرض ہے۔

مریم نواز نے ہتک عزت کے قانون پر زور دیتے ہوئے کہا کہ اس قانون کی آج پاکستان میں جتنی ضرورت ہے، اس سے قبل شاید کبھی نہ تھی۔ جس کے ہاتھ میں مائیک ہے، وہ سمجھتا ہے کہ جس پر چاہے غلط الزام لگا دے اور پگڑی اچھال دے۔ ہتک عزت قانون پر اعتراض کرنے کا کیا مطلب ہے کہ ہم ہتک کریں گے لیکن ہمیں سزا نہ دی جائے؟ ہونا تو یہ چاہیے کہ جو کوئی غلط الزام لگائے، اسے سزا ملنی چاہیے۔ ہمارا دین بھی کہتا ہے کہ تہمت لگانا غلط ہے اور اس کی سزا ہے۔

میڈیا کے کردار پر بات کرتے ہوئے مریم نواز نے کہا، میڈیا کا بہت احترام ہے اور میڈیا کا مثبت کردار بھی ہے، لیکن میڈیا سمیت کسی کو بھی بغیر ثبوت کے کسی کی عزت اور پگڑی اچھالنے، تہمت لگانے کی اجازت نہیں دی جا سکتی۔

انہوں نے مزید کہا کہ ہتک عزت قانون کے تحت اگر الزام لگانے والے کے پاس ثبوت نہیں اور اس نے بدنیتی سے الزام لگایا ہے تو اس کو سزا ملے گی۔ ہر مہذب معاشرے میں یہ قانون موجود ہے۔ ہمارے معاشرے میں یہ بیماری اسی لیے پھیلی ہے کیونکہ اس کی سزا موجود نہیں ہے۔

مریم نواز نے کہا، مجھ پر ہتک عزت قانون کے بارے میں جتنی مرضی تنقید کریں، اس سے کوئی فرق نہیں پڑتا۔ میں اس کرسی پر کب تک ہوں، اللہ جانتا ہے، لیکن یہ قانون صرف میرے لیے نہیں ہے، یہ ہر آنے والے کے لیے ہے۔ لوگوں کی ذاتی مخالفت اور نفرت سیاست میں کسی کی عزت تار تار نہیں ہونی چاہیے۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: