1,048 تحریریں
چین کی قومی نشاۃِ ثانیہ ناقابلِ شکست ہے، اور دنیا اس وقت امن یا جنگ، مکالمے یا محاذ آرائی کے نازک انتخاب کے سامنے کھڑی ہے۔ انہوں نے عالمی تعاون پر زور دیتے ہوئے پیپلز لبریشن آرمی سے کہا کہ وہ قومی خودمختاری کے دفاع اور عالمی امن کے فروغ میں بھرپور کردار ادا کرے۔
امریکی محکمہ خارجہ نے بلوچ لبریشن آرمی (بی ایل اے) اور اُس کے ذیلی گروہ ’’مجید بریگیڈ‘‘ کو غیر ملکی دہشتگرد تنظیم (ایف ٹی او) قرار دے دیا۔ مجید بریگیڈ کو بی ایل اے کے پہلے سے موجود خصوصی عالمی دہشتگرد (ایس ڈی جی ٹی) درجہ میں بطور عرف شامل کر دیا گیا۔
بھارتی ائیر چیف کی پریس کانفرنس کے سرکاری اعلامیہ میں پاکستانی طیاروں کی تباہی، اقسام یا ماخذ کا ذکر غائب، ایس 400 کے کردار کا حوالہ بھی نہیں، جنگی محاذ کے دعوؤں کی جگہ فضائی طاقت کا معمولی بیان — یہ خاموشی پاکستانی تردید کو چیلنج کرنے سے گریز کرتی ہے۔
آرمینیا اور آذربائیجان نے امریکی ثالثی سے طے پانے والے معاہدے کے ذریعےدہائیوں پرانی دشمنی ختم کرتے ہوئے صدر ڈونلڈ ٹرمپ کو نوبل امن انعام کیلئے مشترکہ طور پر نامزد کردیا۔ اس سے قبل پاکستان بھی بھارت کے ساتھ کشیدگی ختم کرانے پر ٹرمپ کو نوبل انعام کیلئے نامزد کر چکا ہے۔
اسرائیلی وزیراعظم بینجمن نیتن یاہو نے تصدیق کی ہے کہ بھارت نے آپریشن سندور (پاکستان کے خلاف حالیہ جنگ) کے دوران اسرائیلی ساختہ ہتھیار استعمال کیے جن میں بارک 8 میزائل اور ہارپی ڈرونز شامل تھے۔
امریکی صدر ڈونلڈ ٹرمپ نے بھارت پر 50 فیصد ٹیرف عائد کرتے ہوئے واضح کیا ہے کہ یہ صرف شروعات ہے۔ ان کے مطابق یہ تو محض ایک جھلک ہے، ابھی مزید پابندیاں لگتی دیکھیں گے۔ ابھی بہت کچھ آنا باقی ہے، دیکھتے جائیں کیا ہوتا ہے۔
امریکی صدر ڈونلڈ ٹرمپ نے بدھ کے روز ایگزیکٹو آرڈرکے ذریعے بھارت پر اضافی 25 فیصد درآمدی ٹیرف نافذ کر دیا، جس سے مجموعی ٹیرف اب بڑھ کر 50 فیصد ہو گیا ہے۔ ان ٹیرف اقدامات سے بھارت کی ٹیکسٹائل، فارماسیوٹیکل اور آٹو پارٹس کے شعبےکی برآمدات شدید متاثر ہو سکتی ہیں۔
صدر ٹرمپ کے قریبی مشیر اسٹیفن ملر نے بھارت پر روس یوکرین جنگ کی مالی معاونت کا الزام عائد کرتے ہوئے کہا ہے کہ بھارت روسی تیل خرید کر براہ راست اس جنگ کو جاری رکھنے میں مدد دے رہا ہے۔ بھارت امیگریشن پالیسیوں میں دانستہ بے ضابطگیوں کا بھی مرتکب ہے جس سے امریکی ورکرز کو نقصان پہنچ رہا ہے۔ اب وقت آ گیا ہے کہ ہم حقیقت پسندانہ انداز میں اس جنگ کی مالی معاونت سے نمٹا جائے۔
ڈونلڈ ٹرمپ نے پاکستان اور امریکہ کے درمیان تجارتی معاہدہ طے پانے کا اعلان کردیا۔ امریکہ پاکستان کیساتھ مل کر پاکستان کے تیل کے وسیع ذخائر کو ترقی دینے پر مل کر کام کریگا اور ممکن ہے ایک دن پاکستان یہ تیل بھارت کو بھی فروخت کررہا ہو۔
ڈونلڈ ٹرمپ کا برِکس کو امریکہ مخالف اتحاد قرار دیتے ہوئے بھارت کی برِکس رکنیت پر حیرت کا اظہار۔ برِکس ڈالر پر براہِ راست حملہ کر رہا ہے، جسے امریکہ برداشت نہیں کرے گا۔
امریکی صدر ڈونلڈ ٹرمپ نے یکم اگست سے بھارت سے آنے والی اشیاء پر 25 فیصد ٹیرف لگانے کا اعلان کردیا۔ روس سے توانائی اور جنگی سازو سامان خریدنے پر بھی اضافی پینلٹی بھی ادا کرنا ہوگی۔
پاکستان غزہ کیلئے خوراک و دیگر سامان پر مشتمل دو کھیپ بھیج رہا ہے، بین الاقوامی برادری غزہ تک خوراک و ادویات کی رسائی یقینی بنائے، غزہ میں انسانی صورتحال دِل دہلا دینے والی ہے، فلسطینی عوام کی غیرمتزلزل حمایت جاری رکھیں گے۔
بھارتی حکومت نے پاکستان کے آگے سرینڈر کر دیا۔ ڈونلڈ ٹرمپ نے جنگ بندی نہیں کروائی تو نریندر مودی پارلیمنٹ میں کہہ دیں کہ امریکی صدر جھوٹا ہے۔ ٹرمپ نے پاکستانی آرمی چیف کو دعوت پر بلایا مگر بھارتی وزیراعظم میں وہاں جانے کی جرأت نہیں۔
پہلگام کے حملہ آور پاکستان سے نہیں آئے تھے، بھارتی حکومت کے پاس پاکستان کے خلاف ٹھوس شواہد موجود نہیں، عین ممکن ہے حملہ آور مقامی دہشتگرد ہوں، بھارتی حکومت آپریشن سندور کے نقصانات چھپا رہی ہے۔
واشنگٹن میں خطاب کرتے ہوئے نائب وزیراعظم و وزیر خارجہ اسحاق ڈار نے انکشاف کیا کہ پاکستان اور امریکہ ایک اہم تجارتی معاہدے کے آخری مراحل میں داخل ہو چکے ہیں، جو متوقع طور پر "دنوں میں" طے پا سکتا ہے۔ معاہدے میں ٹیکسٹائل، ڈیجیٹل تجارت، زراعت اور معدنیات جیسے شعبے شامل ہیں۔ پاکستان برآمدات پر محصولات میں کمی اور امریکی سرمایہ کاری کے فروغ کا خواہاں ہے، جبکہ امریکی حکام نے مذاکرات کو مثبت قرار دیا ہے۔
فرانسیسی صدر ایمانوئل میکرون نے مشرقِ وسطیٰ میں دیرپا امن کے لیے فلسطین کو تسلیم کرنے کا تاریخی اعلان کر دیا ہے۔ اُن کا کہنا ہے کہ ستمبر میں اقوام متحدہ کے اجلاس کے دوران فرانس ریاستِ فلسطین کو باضابطہ طور پر تسلیم کرے گا، تاکہ ظلم کا شکار فلسطینی عوام کو عالمی سطح پر انصاف اور شناخت دی جا سکے۔
روس نے افغانستان میں طالبان کی قیادت میں قائم اسلامی امارت کو باضابطہ طور پر تسلیم کرتے ہوئے طالبان حکومت کے ساتھ تعلقات کا نیا باب کھول دیا۔
SIFC نے اپنی دوسری سالگرہ کے موقع پر فری لانسرز کے لیے پے پال ادائیگیوں کی سہولت شروع کی، آئی ٹی پارکس اور ای روزگار مراکز کا آغاز کیا، عالمی ٹیکنالوجی سرمایہ کاری حاصل کی، اور ڈیجیٹل تبدیلی کو آگے بڑھایا جس سے برآمدات اور بین الاقوامی مسابقت کو فروغ مل رہا ہے۔
خلیج تعاون کونسل نے قطر میں امریکی اڈے پر ایران کے حملے اور غزہ میں اسرائیل کی جاری جارحیت کی مذمت کرتے ہوئے دشمنی کے خاتمے کا مطالبہ کیا ہے، اور حالیہ جنگ بندی کرانے میں قطر کے کردار کو سراہا ہے۔
امریکی صدر ڈونلڈ ٹرمپ کیمطابق ایران اور اسرائیل کے درمیان مکمل جنگ بندی طے پا گئی ہے، جس سے 12 روزہ جنگ کا خاتمہ ہو گیا۔ ٹرمپ نے اس معاہدے کو مشرقِ وسطیٰ کے لیے ایک تاریخی کامیابی قرار دیا اور دونوں ممالک کو استقامت و تدبر پر مبارکباد دی۔
سعودی عرب کے نیوکلیائی و تابکاری ریگولیٹری کمیشن نے تصدیق کی ہے کہ فردو سمیت ایران کی جوہری تنصیبات پر امریکی فضائی حملوں کے بعد تابکار اثرات یا تابکاری کا کوئی خطرہ موجود نہیں، جبکہ خطے کے حکام عوام کو یقین دلانے اور ماحولیاتی اثرات سے متعلق خدشات کو کم کر کے پیش کرنے کے لیے تیزی سے سرگرم ہو گئے ہیں۔
