بیرون ملک مقیم پاکستانیوں کی جانب سے 2024 میں بھیجی جانے والی ترسیلات زر میں 31 فیصد کا ریکارڈ اضافہ ہوا۔ سعودی عرب، متحدہ عرب امارات، امریکہ اور دیگر مغربی ممالک سے 21 ارب ڈالر سے زائد کی رقوم پاکستان بھیجی گئیں۔
چین نے امریکی دفاعی کمپنیوں پر پابندیاں عائد کر دیں۔ تائیوان کو اسلحہ فروخت کی مذمت اور علاقائی استحکام کو خطرے میں ڈالنے پر وارننگ۔یہ پابندیاں سات امریکی کمپنیوں اور ان کے سینئر ایگزیکٹوز کو فوجی امداد اور اسلحے کی منتقلی کے جواب میں لگائی گئی ہیں۔
امریکی ایوان نمائندگان کی ایتھکس رپورٹ میں میٹ گیٹس کی اخلاقی خلاف ورزیوں کا پردہ فاش۔ کمیٹی نے میٹ گیٹس پر کم عمر لڑکی کو جنسی تعلقات کے بدلے ادائیگی، منشیات کے استعمال، اور ہاؤس قوانین کی سنگین خلاف ورزی کے الزامات عائد کیے ہیں۔
پاکستان نے اپنے اندرونی قانونی معاملات بالخصوص فوجی عدالتوں میں 9 مئی کے مقدمات سے متعلق برطانیہ کا بیان مکمل طور پر ناقابلِ قبول قرار دے دیا، طاقتور حلقوں کی جانب سے کہا گیا ہے کہ پاکستان کسی غیرضروری و بلاجواز سیاسی مداخلت کو برداشت نہیں کرے گا۔
برطانیہ کی جانب سے پاکستان کی فوجی عدالتوں میں سویلینز کے مقدمات میں شفافیت اور آزادانہ تحقیقات پر زور، عدالتی عمل میں شفافیت اور منصفانہ طرزِ عمل کا مطالبہ
امریکی محکمہ خارجہ کے ترجمان نے وضاحت کی ہے کہ پاکستان پر پابندیاں بیلسٹک میزائل پروگرام سے متعلق ہیں، تاہم دوطرفہ تعاون متاثر نہیں ہوگا۔ پاکستان نے ان خدشات کو مسترد کرتے ہوئے اپنے میزائل پروگرام کو قومی سلامتی کے لیے ناگزیر قرار دیا ہے۔
پاکستان کی جانب سے نیشنل ڈویلپمنٹ کمپلیکس اور تین نجی اداروں پر امریکی پابندیوں کی شدید مذمت۔ نائب وزیراعظم و وزیرِ خارجہ اسحاق ڈار نے امریکی اقدام کو جانبدارانہ اور جنوبی ایشیاء میں امن و استحکام کیلئے خطرہ قرار دیا ہے۔
امریکا نے پاکستان کے بیلسٹک میزائل پروگرام میں ساز و سامان فراہم کرنے کے الزام میں 4 کمپنیز پر پابندی عائد کر دی۔ ترجمان امریکی محکمہ خارجہ نے کہا ہے کہ امریکا تباہی پھیلانے والے ہتھیاروں کے پھیلاؤ اور متعلقہ خریداری کی سرگرمیوں کے خلاف کارروائی جاری رکھے گا۔
ڈونلڈ ٹرمپ کے سابق نامزد اٹارنی جنرل میٹ گیٹز نے بھی پاکستان کے سابق وزیراعظم عمران خان کی رہائی کا مطالبہ کر دیا، اس سے قبل ڈونلڈ ٹرمپ کے خصوصی مشنر کیلئے مقرر کردہ صدارتی ایلچی رچرڈ گرینل کی جانب سے عمران خان کی رہائی کا مطالبہ سامنے آیا تھا۔
ڈونلڈ ٹرمپ کے خصوصی مشنز کیلئے نئے تعینات کردہ ایلچی رچرڈ گرینل اڈیالہ جیل سے عمران خان کی رہائی کے مطالبہ کے حامی ہیں جبکہ پی ٹی آئی کے احتجاجی مظاہرے بین الاقوامی توجہ حاصل کر رہے ہیں جس سے پاکستان کیلئے امریکی دلچسپی کا اشارہ ملتا ہے۔
