تھرسڈے ٹائمز کے نیوز ڈیسک سے تازہ ترین خبریں۔
حقیقی آزادی کیلئے قربانی دینے کا وقت آن پہنچا ہے، عمران خان نومبر کے مہینے میں احتجاج کی کال دینے والے ہیں، قوم تیار رہے، اگر ہماری میتیں گھر نہ آئیں تو ہمارے جنازے پڑھ لینا، ہم تب تک واپس نہیں آئیں گے جب تک عمران خان کو جیل سے رہا نہیں کرا لیں گے، وزیرِ اعلٰی خیبرپختونخوا علی امین گنڈا پور۔
پاکستان تحریکِ انصاف (پی ٹی آئی) کے صوابی جلسہ میں امریکی جھنڈا لہرا دیا گیا، امریکی جھنڈا لہرانے پر کارکنان اور انتظامیہ گتھم گتھا ہو گئے، پولیس نے امریکی جھنڈا لہرانے والے کارکن کو حراست میں لے لیا۔
یہ تاثر غلط ہے کہ ایک امریکی کال پر عمران خان کو اس کے حوالے کر دیا جائے گا، نواز شریف نے امریکی کال اور 5 ارب ڈالرز کی آفر پر انکار کر کے ایٹمی دھماکے کیے تھے، نہیں لگتا کہ ڈونلڈ ٹرمپ عمران خان کی رہائی کی بات کریں گے، وزیرِ دفاع خواجہ آصف۔
پی ٹی آئی عمران خان کو بیرونِ مُلک بھجوانے کی کوشش کر رہی ہے جس کیلئے یہ بیرونی طاقتوں کو کہہ رہے ہیں کہ پاکستان پر دباؤ ڈالیں اور وہ مُلک بھی عمران خان کو لینے کیلئے تیار ہے، میں کہتا تھا کہ اکتوبر میں خطرات ہو سکتے ہیں مگر پی ٹی آئی کی کوشش ناکام ہوئی۔
امریکی ارکانِ کانگریس کو آگاہ کیا جائے کہ عمران خان بدعنوانی کے ثابت شدہ الزامات کے تحت قید ہیں، عمران خان نے 9 مئی 2023 کو وسیع پیمانے پر ہنگامہ آرائی اور توڑ پھوڑ کی اور ریاستی اداروں کے خلاف سیاسی تشدد اور مجرمانہ دھمکیوں کو متعارف کرایا، پارلیمنٹیرینز کا وزیراعظم کو خط۔
وزیراعلیٰ پنجاب مریم نواز نے لاہور کے قریب جدید کینسر ہسپتال کا سنگ بنیاد رکھ دیا ہے جسے نواز شریف کینسر ہسپتال کا نام دیا گیا ہے جسے عوامی سطح پر پاکستان کا پہلا سرکاری کینسر ہسپتال ہونے کا اعزاز حاصل ہوگا۔ اس ہسپتال میں پاکستان کے تمام علاقوں سے تعلق رکھنے والے لوگوں کو علاج کی سہولت میسر ہوگی۔
دیوالی پر ہندو برادری کو مبارکباد پیش کرتی ہوں، یہ دِلوں کو جوڑنے کا چراغ ہے، ہم سب کسی تفریق کے بغیر پاکستانی ہیں، اقلیتوں نے ملکی تعمیر و ترقی میں بھرپور کردار ادا کیا ہے، اقلیتوں کا تحفظ ہماری اولین ترجیح ہے، جلد اقلیتی کارڈ متعارف کرائیں گے، وزیرِ اعلٰی پنجاب مریم نواز۔
سابق وزیراعظم عمران خان کی اڈیالہ جیل میں صحافیوں اور اپنے وکلاء کے ساتھ گفتگو میں جیل میں روا غیر انسانی سلوک پر شدید تنقید کرتے ہوئے کہا کہ مجھے جان بوجھ کر ذہنی اذیت کا نشانہ بنایا گیا اور کئی دنوں تک بجلی، روشنی اور بیرونی رابطے سے محروم رکھا گیا۔26 ویں آئینی ترمیم کو پاکستان کے آئینی اصولوں کی خلاف ورزی قرار دیتے ہوئے اسے غداری کے مترادف قراردیا۔
وزیراعلیٰ پنجاب مریم نواز نے کسانوں کے لئے نواز شریف کسان کارڈ کا آغاز کیا، جس سے صوبے کے کاشتکار بلا سود قرض، کھاد، بیج، اور زرعی آلات پر سبسڈی حاصل کر سکیں گے۔ اس کارڈ کے تحت کاشتکاروں کو آسان شرائط پر مالی مدد فراہم کی جائے گی تاکہ وہ اپنی پیداوار میں اضافہ اور اپنے خاندانوں کے لئے بہتر زندگی گزار سکیں۔
صدرِ مملکت آصف علی زرداری نے 26ویں آئینی ترمیم پر دستخط کر دیئے، قومی اسمبلی سیکرٹریٹ نے گزٹ نوٹیفکیشن جاری کر دیا، سینیٹ اور قومی اسمبلی سے دو تہائی اکثریت کے ساتھ منظور ہونے والی 26ویں آئینی ترمیم بطور قانون نافذ العمل ہو گئی۔
