شیر افضل مروت نے تحریکِ انصاف اور علیمہ خان پر مالی بےضابطگیوں کے سنگین الزامات عائد کر دیئے؛ پی ٹی آئی نے 26 نومبر کے نام پر 38 کروڑ روپے اکٹھے کیے جس کا باقاعدہ کوئی حساب نہیں، فنڈز علیمہ خان اور خدیجہ شاہ کے زیرِ انتظام تھے، وکلاء کو 1 ارب سے زائد روپے دیئے جا چکے، علیمہ خان بشریٰ بی بی کیلئے ایک دن کی مار ہیں۔
پی ٹی آئی نے 12 افراد کا ذکر کیا، ابھی تک شناختی کارڈز، قبریں، ورثاء سامنے نہیں آئے۔ گنڈاپور کے گارڈز نے ورکرز پر فائرنگ کی، ویڈیو سے پتہ لگے گا گولی کس نے چلائی۔ پی ٹی آئی صوبائیت کارڈ کھیل رہی کیونکہ انکے DNA میں آمریت کے جراثیم ہیں۔
عمران خان نے 2014 میں سول نافرمانی کا اعلان کرتے ہوئے عوام کے سامنے بجلی کا بل جلایا اور بجلی کے بل نہ دینے کا کہا، جبکہ ان کے اپنے بنی گالہ گھر میں سولر پینلز لگے ہوئے تھے۔ وہ سیاسی فائدے کے لیے خواتین اور بچوں کو انسانی ڈھال بنا کر استعمال کرتے ہیں۔ دوسروں کی بیٹیوں اور بیگمات پر اعتراض کرنیوالوں کو اپنی باری آنے پر موروثیت پر کوئی اعتراض نہیں ہوتا۔
عمران خان کا 14 دسمبر سے سول نافرمانی کی تحریک شروع کرنے کا اعلان۔ 9 مئی اور 26 نومبر کے واقعات کی تحقیقات کے لیے جوڈیشل کمیشن کا قیام اور انڈر ٹرائل سیاسی قیدیوں رہائی کا مطالبہ۔
حکومت ہوش کے ناخن لے ورنہ بنگلہ دیش بھول جاؤ گے، بھاگنے کا موقع نہ ملے گا۔ ہمارے کارکنوں کو بےرحمانہ تشدد کا نشانہ بنایا گیا، سیدھی گولیاں چلائی گئیں، ہمارے لوگ شہید اور زخمی ہوئے۔ پی ٹی آئی کیساتھ جبر و ظلم کیا گیا، ہم پُرامن جماعت ہیں۔
ٹی ٹی پی کے لوگوں کو ہم نہیں بلکہ جنرل (ر) فیض حمید لائے تھے، ہماری مت ماری گئی تھی کہ وہ ہمارے پسندیدہ تھے، عمران خان ناجائز کیسز میں پابندِ سلاسل ہیں، قانون کی حکمرانی ہوتی تو تین سے چار روز میں رہا ہو جاتے، عمر عطا بندیال کمزور جج تھے جنہیں ڈرایا گیا اور وہ ڈر گئے۔
حقیقی آزادی کیلئے قربانی دینے کا وقت آن پہنچا ہے، عمران خان نومبر کے مہینے میں احتجاج کی کال دینے والے ہیں، قوم تیار رہے، اگر ہماری میتیں گھر نہ آئیں تو ہمارے جنازے پڑھ لینا، ہم تب تک واپس نہیں آئیں گے جب تک عمران خان کو جیل سے رہا نہیں کرا لیں گے، وزیرِ اعلٰی خیبرپختونخوا علی امین گنڈا پور۔
پاکستان تحریکِ انصاف (پی ٹی آئی) کے صوابی جلسہ میں امریکی جھنڈا لہرا دیا گیا، امریکی جھنڈا لہرانے پر کارکنان اور انتظامیہ گتھم گتھا ہو گئے، پولیس نے امریکی جھنڈا لہرانے والے کارکن کو حراست میں لے لیا۔
خیبر پختونخوا اسمبلی کے اجلاس میں علی امین گنڈاپور نے آئی جی اسلام آباد کو ہٹانے کا مطالبہ کرتے ہوئے اسلام آباد پر چڑھائی کی دھمکی دے دی۔ انہوں نے کہا کہ ان کی پارٹی فوج سے لڑائی نہیں چاہتی، مگر انہیں جلسے کی اجازت نہ دینے اور کارکنان پر پولیس کے تشدد کے بعد احتجاج کا راستہ اپنانا پڑا۔
کل ساری رات کے پی ہاؤس اسلام آباد میں تھا، اسلام آباد پولیس نے چار چھاپے مارے مگر میں نہ ملا، بُرے وقت میں چھوڑنے والا بزدل ہے، عمران خان قوم کی جنگ لڑ رہے ہیں، ہم مرتے دم تک جنگ لڑتے رہیں گے، گرفتار کرنا ہے تو کرلو۔
