قاضی فائیز عیسی کو نکالنے کیلئے صدارتی ریفرنس بنایا گیا

سپریم کورٹ کے جسٹس قاضی فائیز عیسی کی اہلیہ نےقاضی فائیز عیسی کیخلاف بنائے گئے ریفرنس کیس کا فیصلہ آنے کے بعد پہلی مرتبہ صحافیوں طلعت حسین سلیم صافی عبدالقیوم صدیقی عمران شفقت اور وجاہت مسعود کوایک تفصیلی انٹرویودیا جس میں انہوں نے قاضی فائیز عیسی کیخلاف بنائے گئے صدارتی ریفرنس اور عدالت میں ہونیوالی کاروائی بارے کھل کر بات کی اور اپنے جذبات کا اظہار کیا۔

سیرینہ فائیز عیسی کا کہنا تھا کہ مجھے اور میری فیملی کو بڑی شدید تکلیف دی گئی اور اسی تکلیف کی وجہ سے آج میں یہ انٹرویو دے رہی ہوں انہوں نے مزید کہا کہ جسٹس قاضی فائیز عیسی کیخلاف جو ریفرنس بنایا گیا وہ اسلئے تھا تاکہ انکو عدلیہ سے بے دخل کیا جاسکے انہوں نے کہا کہ میرے شوہر قاضی فائیز عیسی اور میں نے تو اپنے اثاثے ظاہر کردے ہوئے ہیں لیکن دوسرے ججز جن میں چیف جسٹس عمر عطا بندیال جسٹس منیب اختر اور دوسرے ججز نے اپنے اور اپنی فیملی کے اثاثے ابھی تک ظاہر نہیں کیے۔

انہوں نے کہا کہ ہمارے کیس میں پہلی دفعہ ایسا ہوا کہ عدالتی چھٹیوں کے دوران ایک ریفرنس کی سماعت کی گئی ہو اوراسوقت کے چیف جسٹس کھوسہ نے ایسا کیا۔

اس موقع پر انہوں نے کہا کہ ریفرنس کی سماعت کرنیوالے جسٹس عظمت سعید کے بارے میں سب جانتے ہیں کہ جسٹس عظمت کی ہمدردیاں کس کے ساتھ تھیں انکو ریٹائرمنٹ کے فوری بعد عمران خان کے شوکت خانم کے بورڈ آف گورنرز میں لگایا گیا اور پھر انکو نیب کا ملازم ہونے کے باوجود براڈ شیٹ انکوائری کا ہیڈ لگایا گیا تھا۔

سیرینہ فائیز عیسی نے کہا کہمیرے شوہر قاضی فائیز عیسی کو پلاٹس آفر کیے گئے لیکن انہوں نے لینے سے انکار کردیا انہوں نے کہا کہ وہ انکو لینے کے اہل نہیں انکا مزید کہنا تھا کہ وزیرقانون فروغ نسیم نے وکلا کو رشوت دینے کی کوشش کی انہوں نے غیر قانونی طور پر انکم ٹیکس قانون کے سیکشن 216 میں اپنے آپکو فائدہ دینے کیلئے ترمیم کی۔

انہوں نے کہا کہ ہم نے اپنی پراپرٹی کو عمران خان کی طرح کسی آفشور کمپنی کے پیچھے نہیں چھپایا عمران خان کی بنی خالہ رہائش کی منی ٹریل کدھر ہے سیرینہ عیسی نے کہا کہ عمران خان کہتے ہیں انکی سابقہ اہلیہ نے انکو پیسے بھیجے جو راشد خان کو بھیجے گئے وہ بھی اس بینک کے ذریعہ جسکا وجود ہی موجود نہیں انہوں نے مزید کہا کہ عمران خان نے اپنے ٹیکسز میں دھوکہ دہی کی ہے انہوں نے اپنی ریٹرنز میں اپنے تین بچوں کے اثاثے ظاہر نہیں کیے۔

سیرینہ عیسی نے مزید کہا کہ عمران خان نے ایک غلط بیان حلفی جمع کروا کر اس وقت کے وزیراعلی پنجاب نواز شریف سے ایک کنال کا فری پلاٹ یہ کہہ کر لیا کہ انکی لاہور میں کوئی جائیداد نہیں ہے اور پھر فری ایک پلاٹ اسلام آباد میں حاصل کیا گیا۔

سیرینہ عیسی نے کہا کہ میرے خلاف ٹی وی پر وزیر قانون وزیر اطلاعات شہزاد اکبر اور اٹارنی جنرل کی جانب سے غلط پراپیگنڈہ کیا گیا لیکن انکے خلاف کوئی کاروائی نہ کی گئی۔

آخر میں انہوں نے کہا کہ جس کڑی آزمائش سے میں گزر کر آئی ہوں اسکے بعد مجھے قرآن پاک کی اس آیت کی گہرائی اور تاثیر کی بڑی اچھی طرح سمجھ آئی ہے کہ ایذارسانی قتل/موت سے زیادہ بری ہے۔

∎