تحریک عدم اعتماد: اپوزیشن کے پاس زیادہ ممبران ہیں، چوہدری پرویز الہی

مسلم لیگ ق کے رہنما حکومتی اتحادی اور اسپیکر پنجاب اسمبلی چوہدری پرویز الہی نے پرائیویٹ چینل کو انٹرویو دیتے ہوئے انکشاف کیا ہے تحریک عدم اعتماد کو کامیاب کرنے کیلئے اپوزیشن کے پاس نہ صرف 172 کا نمبر پورا ہے بالکہ حکومتی سوچ سے بھی کہیں زیادہ ممبران موجودہ ہیں۔

چوہدری پرویز الہی کا یہ بیان اسوقت آیا ہے جب حکومت اور اپوزیشن دونوں ممبران پورے ہونے کا دعوی کررہے ہیں اور چوہدری پرویز الہی جو حکومتی اتحادی بھی ہیں انکے اس انکشاف کے بعد حکومت کیلئے بہت زیادہ مشکلات پیش آتی نظر آرہی ہیں۔

چوہدری پرویز الہی نے کہا کہ یہ حکومت گبھرا گئی ہے اورایک بندہ گبھرایا ہوا پھررہا ہے حالانکہ ابھی تو کچھ ہوا ہی نہیں لیکن پھر بھی گبھرا گیا ہے انہوں نے مزید کہا کہ اس حکومت نے ہر ایک کے ساتھ بگاڑ پیدا کیا ہے یہاں تک کہ اپنے لوگوں کیساتھ بھی بگاڑ کیا ہے بس یہ جو زبان ہے یہی سب کچھ کروا رہی ہے۔

انہوں نے کہا کہ عمران خان کو ایک تو بدلے لینے کا بڑا شوق ہے اب بھی اپنے ایم این ایز کو تڑیاں لگاتے پھرتے ہیں میں یہ کردونگا وہ کردونگا کیا یہ حکمرانی کا طور کریقہ ہوتا ہے اس موقع پر انہوں نے کہا کہ پشاور سے حکومت کی مدد کرنے کی کوششیں کی جارہی ہیں لیکن اب کام نہیں بن رہا۔

اس موقع پر انہوں نے کہا کہ مغرب اور بیرونی ممالک کیا اب عمران خان کیلئے ووٹ مانگیں گے کیا بائیڈن انکے لیے ووٹ مانگے گا جس کے بارے عمران خان خود کہتے ہیں مجھے فون نہیں کرتا یہ بس اپنی نالائقیوں کو چھپانے کی کوشش کررہے ہیں۔

حکومت کے ہیلتھ کارڈ پر بات کرتے ہوئے انہوں نے کہا کہ ہیلتھ کارڈ لیکر لوگ مارے مارے پھر رہے ہں انہوں نے پرائیویٹ ہسپتالوں کیساتھ مک مکا کیا ہوا ہے۔