عمران خان آئین توڑنے والا غدار ہے، مریم نواز

مریم نواز نے میڈیا سے بات کرتے ہوئے کہا ہے کہ عمران خان نے چند دن اقتدار میں رہنے کیلئے پاکستان کے آئین کو توڑ دیا انہوں نے اسمبلی اس لیے توڑی کیونکہ انکو پتہ تھا کوئی او اگر اقتدار میں آگیا تو انکی کرپشن کی ہوشربا داستانیں سامنے آجائینگی۔

انہوں نے عمران خان کو اس موقع پر مخاطب کرتے ہوئے کہا کہ کیا آپ اپنی بدترین کارکردگی کے بعد ایک خط دکھا کر اس سے بچ کر نکل جائینگے ایسا نہیں ہوگا جتنی بے شرمی سے آئین پاکستان پر حملہ عمران خان نے کیا ہے ایسا کسی ڈکٹیٹر نے بھی کبھی نہیں کیا لیکن بکرے کی ماں کب تک خیر منائے گی۔

مریم نواز نے کہا کہ آئین میں غداری کی سزا آرٹیکل چھے ہے اور اگر وہ سزا آئین توڑنے والوں کو نہ ملی عمران خان کو سزا نہیں دی گئی تو کل کو کوئی بھی آئین کو روند کر چلا جائیگا اور اسکو پوچھنے والا کوئی نہیں ہوگا۔

مریم نواز کا کہنا تھا کہ اگرعمران خان کو آئین توڑنے کی سزا نہ ملی تو پھر اسکو سزا پاکستان کے عوام دینگے انہوں نے کہا کہ آئین میں غداری کی سزا آرٹیکل ۶ ہے اور اگر عمران خان جس نے آئین توڑا ہے اسکو سزا نہیں دی گئی تو کل کو کوئی بھی آئین کو روند کر چلا جائیگا اور اسکو پوچھنے والا کوئی نہیں ہوگا۔

مریم نواز نے کہا کہ عمران خان وکٹیں اٹھا کر نہیں بالکہ میدان سے دم دبا کر بھاگ گیا ہے آخری گیند تک مقابلہ کرنے کا کہنے والے کی حالت یہ ہے کہ جب ہار سامنے نظر آئی تو اسمبلی توڑ کر بھاگ گیا۔

اس موقع پر مریم نوازکا کہنا تھا کہ عمران خان کی حکومت ختم ہوچکی ہے لیکن پھر بھی ڈھٹائی سے یہ روز ٹی وی پر آجاتے ہیں اور اب تو انکو میڈیا نے بھی دکھانا چھوڑ دیا ہے۔

اس موقع پر مریم نواز نے عمران خان کی وزیراعظم بننے سے قبل مختلف ملکوں کے سفارتکاروں سے ملتے ہوئے تصویریں بھی میڈیا کو دکھائیں انکا کہنا تھا کہ وہ جو آپ کہہ رہے ہیں کہ میرے خلاف انٹرنیشنل سازش ہوگئی ہے اسکے ثبوت میں آپ ہماری تصاویر لے کر آئے کہ ہم ڈپلومیٹس سے مل رہے ہیں.اگر ہمارا ڈپلومیٹس سے ملنا آپکو سازش لگتا ہے تو ڈپلومیٹس کے ساتھ آپ کی تصاویر کو کیا نام دیا جائے۔

اس موقع پرمریم نواز نے کہا کہ بنی گالہ کی فرنٹ پرسن فرح کو جسکے سارے تانے بانے بنی گالہ سے ملتے ہیں وہ سب راز قوم کے سامنے آئینگے اور اسی سے بچنے کیلئے اسمبلی توڑ کر بھاگا انکا کہنا تھا کہ راتوں رات پولیس کے حصار میں فرح کو برقع پہنا کر فرار کروایا گیا اوریہ وہی فرح جسکو کروڑوں روپیہ رشوت دیے بغیر کوئی ٹرانسفر پوسٹنگ نہیں ہوسکتی تھی۔

مریم نواز نے کہا کہ میں ایک ذمہ دار شہری اور عوام کی نمائندہ ہوں میں عمران خان نہیں ہوں کہ جب بھی منہ کھولوں جھوٹ بولوں میں ذاتی مخاصمت میں آکر کوئی ایسی بات نہیں کروں گی جس سے پاکستان کے کسی اور ملک سے سفارتی تعلقات خراب ہوں۔

مریم نواز نے اس موقع پر کہا کہ غنڈہ گرد کی یہ خاصیت ہوتی ہے وہ جب پھنس جائیں تو وہ عمران خان جیسی حرکتیں کرتے ہیں اور میں بتا دوں کہ اگر تم اپنے غنڈے بھیج کر لوگوں کے گھروں تک پہنچو گے تو جب تمہاری یہ سیکیورٹی ختم ہوجائیگی تو پھر جو بو رہے ہو وہ کاٹو گے بھی۔

مریم نوازکہا کہنا تھا کہ سب سے پہلے پاکستان کے آئین کے توڑنے والے عمران خان کا فیصلہ ہوگا اور پھر ہم الیکشن میں ان شا اللہ ضرور جائینگے اور عمران خان جیسے غدار کو تاریخی شکست دینگے۔