آئین اور ملک کو نقصان پہنچانے پر عمران خان کو گرفتار کرنا چاہیے، مریم نواز

خوف میں مبتلا دماغی مریض کے ہاتھ میں ماچس ہے جس سے یہ ہر طرف آگ لگانا چاہتا ہے۔ اس سے پہلے کہ یہ مزید نقصان کر دے، اس کو گرفتار کرنا چاہیے۔

رائے دیں
A combination file photo shows PML(N) vice president Maryam Nawaz and former Prime Minister Imran Khan.
A combination file photo shows PML(N) vice president Maryam Nawaz and former Prime Minister Imran Khan.
یہ تحریر سنیںآئین اور ملک کو نقصان پہنچانے پر عمران خان کو گرفتار کرنا چاہیے، مریم نواز2 منٹ · آلے کی آواز0:00 / 1:46

مسلم لیگ ن کی نائب صدر مریم نواز نے کہا ہے کہ عمران خان نے پہلے پہلے جعلی خط اور غیر ملکی سازش کا ڈرامہ رچا کر پاکستان کا دنیا بھر میں مزاق بنایا اور بچگانہ حرکتوں سے پاکستان کے سفارتی تعلقات کو خراب کیا، اب آئین شکنی کے بعد سپریم کورٹ کے احکامات کو کمال ڈھٹائی سے پاؤں تلے روند دیا۔ یہ سب عمران خان نے مقدمات اور گرفتاری سے بچنےکے لیے کیا۔

مریم نوازنے کہا کہ اس خوف میں مبتلا دماغی مریض کے ہاتھ میں ماچس ہے جس سے یہ ہر طرف آگ لگانا چاہتا ہے۔ اس سے پہلے کہ یہ مزید نقصان کر دے، اس کو گرفتار کرنا چاہیے۔ 22 کڑوڑ کی قسمت ایسے ہیجانی شخص کے ہاتھ میں نہیں دی جا سکتی۔

انکا مزید کہنا تھا کہ سپیکر نے آج اپنے خلاف چارج شیٹ پیش کر دی ہے۔انھوں نے دوسرے الفاظ میں واضح طور پر کہ دیا ہے کہ وہ عمران خان کے وفادار ہیں، ملک کے نہیں۔عمران کا حکم مانیں گے آئین کا اور سپریم کورٹ کا نہیں۔عمران اور اسکے حواریوں نے ثابت کر دیا کہ پاکستان کے خلاف اگر سازش ہوئی تو اس کا مہرہ عمران ہے۔

مریم نواز نے کہا کہ اگر ملک کو بچانا ہے تو عمران خان، سپیکر اور ڈپٹی سپیکر کو ملک دشمنی اور ملک اور آئین کو نقصان پہنچانے پر گرفتار کرنا چاہیے۔ پوری قوم کا یہ مطالبہ ہونا چاہیے۔ اٹھو اور اپنے پاکستان کو ایک غاصب کے ناجائز قبضے سے چھڑاو۔ ملک کے لیے آواز اٹھاؤ۔

تھرسڈے ٹائمز نیوز ڈیسک

تھرسڈے ٹائمز کے نیوز ڈیسک سے تازہ ترین خبریں۔

اس ڈیسک کی مزید تحریریں

گفتگو

اس خبر پر رائے دی جا سکتی ہے۔ ہر تبصرہ شائع ہونے سے پہلے ایک ایڈیٹر پڑھتا ہے۔

ابھی کسی نے کچھ نہیں کہا۔ آپ پہلے ہوں۔

ناشر Thursday Media International thursday.media