وفاقی وزیرداخلہ رانا ثنا اللہ نے امریکی حکومتی عہدیداررکن کانگریس الہان عمرکی تحریک انصاف کے چئیرمین عمران خان کیساتھ ملاقات پر کہا ہے کہ امریکی حکومتی عہدیداروں سے ملاقات سازش ہے یا مداخلت، عمران نیازی کو قوم کو جواب دینا ہوگا۔
رانا ثنااللہ نے کہا کہ الہان عمر سے ملاقات میں کون سی امریکی سازش پر بات ہوئی، قوم جاننا چاہتی ہے؟ اپوزیشن سے امریکیوں کی ملاقات کو سازش کہنے والا اپوزیشن میں جاکر امریکیوں سے کیوں مل رہا ہے؟ کون سی سازش تیار ہو رہی ہے؟
رانا ثنااللہ کا کہنا تھا کہ اگر آپ نے قوم کو نہ بتایا تو میں تحقیقات کراؤں گا، قوم کو سچائی کا پتہ چلنا چاہیے، یہ نہ ہو کہ عمران نیازی اپنی روایت کے مطابق چند دنوں بعد ایک اور خط سامنے لے آئے۔
انہوں نے کہا کہ جلسوں میں ایبسلیوٹلی ناٹ کے نعروں سے بھڑکانے والے عمران خان نے امریکیوں سے ملاقات کیلئے ایبسلیوٹلی یس کیوں کہا ہے۔
∎
