spot_img

Columns

Columns

News

قرآن کی قسم کھاتا ہوں کہ امریکہ کے ساتھ مل کر سازش کرنے کے الزامات جھوٹے ہیں، جنرل (ر) قمر جاوید باجوہ

قرآن کی قسم کھاتا ہوں کہ نواز شریف کو ملک سے باہر بھجوانے میں میرا کوئی کردار نہیں تھا، عمران خان حکومت گرانے کیلئے امریکہ کے ساتھ مل کر سازش کے الزامات جھوٹے ہیں، میں نے ایکسٹینشن کیلئے کسی کو مجبور نہیں کیا تھا، اگر میں غلط بیانی کروں تو رسول اللّٰهﷺ کی شفاعت بھی نصیب نہ ہو۔

عمران خان اپنے ارادوں میں کامیاب ہو جاتا تو ہم سب آج قبروں میں ہوتے، رانا ثناء اللّٰہ

اسٹیبلشمنٹ نے پاکستان کو غیر مستحکم کیا، عمران خان اسٹیبلشمنٹ کے ساتھ مل کر اپوزیشن کو ختم کر دینا چاہتا تھا، مسلم لیگ (ن) کو سادہ اکثریت ملتی تو حکومت نواز شریف کی لیڈرشپ میں بنتی، پاکستان کیلئے نواز شریف، اسٹیبلشمنٹ اور عمران خان کو مل کر بیٹھنا ہو گا۔

ضمنی انتخابات؛ مسلم لیگ (ن) نے میدان مار لیا

ضمنی انتخابات میں پاکستان مسلم لیگ (ن) نے فتح سمیٹ لی، حکمراں جماعت قومی اسمبلی کی 2 جبکہ پنجاب اسمبلی کی 7 نشستوں پر کامیاب، مسلم لیگ (ق) اور استحکامِ پاکستان پارٹی صوبائی اسمبلی کی ایک ایک نشست پر کامیاب۔

امریکہ کا فلسطین کے خلاف ویٹو استعمال کرنا مایوس کن، افسوسناک اور شرمناک ہے، فلسطینی صدر محمود عباس

اقوامِ متحدہ میں فلسطین کی مکمل رکنیت کے خلاف امریکی ویٹو شرمناک اور بلاجواز ہے، امریکی ویٹو فلسطینیوں کے حقوق، تاریخ، زمین اور مقدسات کیخلاف صریح جارحیت ہے، فلسطینی قیادت امریکہ کے ساتھ تعلقات پر نظرِ ثانی کرے گی۔

بتایا جائے کہ خیبرپختونخوا، بلوچستان اور سندھ کی اسمبلیاں کتنے میں خریدی گئیں؟ مولانا فضل الرحمٰن

الیکشن 2018 سے بڑی دھاندلی ہوئی ہے، ہم جعلی حکومت کو نہیں چلنے دیں گے، بتایا جائے بلوچستان، خیبرپختونخوا اور سندھ کی اسمبلیاں کتنے میں خریدی گئیں؟ پاکستان کو سیکولر سٹیٹ کی طرف دھکیلا جا رہا ہے، کوئی ہماری تحریک روک نہیں سکتا۔
Newsroomمجھ سے انتقام لیتے لیتے ملک کا بیڑہ غرق کردیا گیا، میاں...
spot_img

مجھ سے انتقام لیتے لیتے ملک کا بیڑہ غرق کردیا گیا، میاں نواز شریف

یہ مکافات عمل ہے ہر وقت سازش کی باتیں کرنیوالا سب سے بڑا سازشی خود نکلا ہے اسکی ایک ایک حرکت اور بات سامنے آرہی ہیں اور ابھی ہوسکتا ہے اور بہت کچھ سامنے آئے

TT Staff Reporter
TT Staff Reporter
Breaking stories from The Thursday Times' in-house reporter.
spot_img

مسلم لیگ ن کے قائد میاں نواز شریف نے لندن میں اپنی صاحبزادی مسلم لیگ ن کی نائب صدر مریم نواز کے ہمراہ میڈیا نمائندگان سے گفتگو کرتے ہوئے کہا ہے کہ پاکستان میں یہ بتانے ثابت کرنے کیلئے کہ آپ بیمار ہیں اسکے لیے مرنا پڑتا ہے جنہوں نے میری بیوی کی بیماری پر جملے کسے کہ وہ بیمار نہیں یہ سب ڈرامہ ہے وہ سب کہنے والے اب قوم کو جواب دیں

میاں نواز شریف کا کہنا تھا کہ جب پتہ چلا کہ 6 جولائی کو مجھے سزا سنائی جانی ہے تو میں نے کہا کہ میری بیوی بہت بیمارکومے میں ہیں جج صاحب 6 کو فیصلہ نہ سنائیں میں ایک ہفتہ بعد پاکستان آجاونگا تو وہ فیصلہ میرے ہوتےسنا دیں لیکن ندارد انکا مقصد تھا کہ الیکشنز سے قبل نواز شریف کا فیصلہ سنایا جائے تاکہ وہ ڈر کر لندن رہ جائے اور واپس نہ آئے لیکن میں نے اپنی بیوی کی بیماری کے باوجو پاکستان واپسی کا فیصلہ کیا کیونکہ  قومی فرائض کی ادائیگی زیادہ ضروری ہوتی ہے

قائد ن لیگ نے کہا کہ پاکستان ائیرپورٹ پر اترتے ہی میرے اور مریم کیساتھ جو سلوک ہوا وہ سب نے دیکھا لیکن الحمدللہ مریم نواز آج سرخرو ہوکر آئی ہیں

دوران قید اپنے اور مریم نوازکیساتھ روا رکھے گئے سلوک بارے میاں نواز شریف نے بتایا کہ میری بیٹی مریم کوٹ لکھپت جیل میں مجھے ملنے کیلئے آئیں تو اطلاع آگئی کہ نیب والے مریم کو گرفتار کرنا چاہتے ہیں اور میری آنکھوں کے سامنے مریم کی گرفتاری صرف مجھے اذیت پہنچانے کیلئے کی گئی انکا کہنا تھا کہ مریم نواز کی گرفتاری پلان کرنیوالوں نے پلان بنایا وہ جب نواز شریف سے ملنے جیل آئیگی تو اسکی آنکھوں کے سامنے اسکی بیٹی کو گرفتار کرکے لے جانا ہے ایسا عمل پاکستان کی تاریخ میں اس سے قبل کبھی نہیں ہوا ہوگا

اپنی اہلیہ کلثوم نواز کی وفات کا ذکر کرتے ہوئے میاں نواز شریف نے کہا کہ جب جج ارشد ملک کی عدالت میں تھا تو اطلاع ملی کلثوم نواز کی طبیعت بہت خراب ہے اور آئی سی یو میں ہیں جیل واپس آکرسپرنٹنڈنٹ سے کہامیری بیوی کی طبیعت بہت خراب ہے ان کی منتیں کیں کہ میری بات کروادیں لیکن انہوں نے کہا میں بات نہیں کرواسکتا  اسکے 3 گھنٹے بعد میرے پاس آکرکہا کہ ہمیں بڑا دکھ ہے آپکی اہلیہ انتقال کرگئیں ہیںاندازہ کریں میرے اوپر کیا گزری ہوگی

اس موقع پر ن لیگی قائد کا کہنا تھا کہ سب جانتے تھے مریم کی والدہ میری اور بیوی بیمار ہیں اگر یہ سزا کچھ دن ٹھہر کر سنا دیتے تو کیا ہوجاتا تاکہ میں اپنی بیوی اور مریم اپنی والدہ کی تیمارداری کرسکتیں انکے ساتھ آخری لمحات گزار سکتے لیکن کسی کو اسکی توفیق نہ ہوئی سیاست اپنی جگہ پر لیکن جیسا ظلم ہمارے ساتھ روا رکھا گیا کبھی ایسا ظلم نہیں کرنا چاہیے آج انکاہر ظلم ایک ایک کرکے انکے سامنے آرہا ہے انکے شرمناک فعل مکروفریب دھوکے بازی قوم کے سامنے آرہے ہیں

میاں نواز شریف نے کہا کہ انسان چال چلتا ہے لیکن اللہ تعالی کی اپنی تدبیر ہوتی ہے اور آخری تدبیر اللہ تعالی کی ہی ہوتی ہےثاقب نثار کی اپنی آڈیو لیک آچکی ہے کہ ہم نے نواز شریف اور مریم نواز کو سزا دینی ہے اور عمران خان کو لانا ہے

قائد ن لیگ نے کہا کہ جج نے ہمیں سزا دی نہیں بالکہ دلوائی گئی اتنےکیسز کےسوموٹو لیے جاتے ہیں ایک میرے کیس کابھی سوموٹو لےلو یہ سب کچھ مجھےالیکشنز سے دور رکھنے اور تاعمر نااہل کرنے کیلئے کیاگیا اور آج خودسپریم کورٹ کہہ رہی ہے یہ تو ڈریکونئین قانون ہے

اس موقع پر میاں نواز شریف کا کہنا تھا کہ یہ جو آج ایبسلیوٹلی ناٹ کہتے پھرتے ہیں یہ کس بات پر کہتے ہیں اصل ایبسلیوٹلی ناٹ میں نے کیا جب طشتری میں رکھ کر پانچ بلین ڈالر پیش کرکے کہا گیا کہ ایٹمی دھماکے نہ کرو تو میں نے انکار کرکے کہا کہ ہم اپنی غیرت پر سودا نہیں کرسکتے مجھے سپریم کورٹ کی جانب سے وزارت عظمی سے اور مسلم لیگ ن کی صدارت سے نکالنا ایک عدالتی فیصلہ نہیں بالکہ انتقام ہے اور مجھ سے انتقام لیتے لیتے انہوں نے پاکستان سے انتقام لے لیا میں کہتا ہوں مجھ سے انتقام لے لیتے لیکن پاکستان کو تو چھوڑ دیتے

اپنی صاحبزادی مریم نوازکے بارے میں گفتگو کرتے ہوئے میاں نواز شریف نے کہا کہ مجھے مریم نواز پر فخر ہے انہوں نےبڑی بہادری کا ثبوت دیتے ہوئے اپنے والد کا ساتھ دیا وہ متزلزل نہیں ہوئیں انہوںنے ظلم زیادتیوں جھوٹے کیسز کا سامنا کیا لیکن جھکی نہیں انہوں نے میرے اور جماعت کیلئے قابل فخر کارنامہ سرانجام دیا

میاں نواز شریف کا کہنا تھا کہ اللہ تعالی کی ہر چیز میں حکمت ہوتی ہے ان کے فیصلوں میں دیر ہوسکتی ہے لیکن اندھیر نہیں ہوتی آپ دیکھ لیں پچھلے پانچ برسوں میں جو ظلم ناانصافیاں ہمارے ساتھ کی گئیں ان ججز کو حساب دینا پڑیگا اور ان سے حساب لینا بھی چاہیے انہوں نے کہا کہ یہ مکافات عمل ہے ہر وقت سازش کی باتیں کرنیوالا سب سے بڑا سازشی خود نکلا ہے اسکی ایک ایک حرکت اور بات سامنے آرہی ہیں اور ابھی ہوسکتا ہے اور بہت کچھ سامنے آئے

اس موقع پر میاں نواز شریف نے اپنے اپنی والدہ اور بھائی شہباز شریف کے واقعات بھی سنائے

Subscribe
Notify of
guest
0 Comments
Inline Feedbacks
View all comments

Read more

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
error: