تحریک انصاف کے لانگ مارچ کے دوران مریدکے میں لانگ مارچ کی کوریج کرتے ہوئے نجی نیوز چینل فائیو کی خاتون صحافی رپورٹر تحریک انصاف کے کنٹینر کے نیچے آکر جاں بحق ہوگئیں
اس المناک سانحہ پر تحریک انصاف کے چئیرمین عمران خان نے لانگ مارچ کے اس مرحلے کو ختم کرنے کا کنٹینر پر آکر اعلان کیا اس موقع پر جب عمران خان لانگ مارچ ختم کرنے کا اعلان کررہے تھے تو انکو پیچھے کھڑے تحریک انصاف کے رہنما نے کان میں مشورہ دیا کہ آپ خاتون رپورٹر کی ہلاکت پرتعزیت بھی کریں جس پر عمران خان نے پھر تعزیتی الفاظ بولے
خاتون صحافی کی اندوہناک ہلاکت پرملک کی مختلف شخصیات کی جانب سے تعزیتی پیغامات آنے شروع ہوگئے ہیں وزیراعظم شہباز شریف نے کہا ہے کہ رپورٹر صدف نعیم کی لانگ مارچ کنٹینر سے گرنے سے ہلاکت پر شدید دکھ ہے۔ اندوہناک واقعے پر جتنا افسوس کیاجائے، کم ہے۔ اہل خانہ سے دلی تعزیت کرتے ہیں۔ صدف نعیم ایک متحرک اور محنتی رپورٹر تھیں۔ مرحومہ کی مغفرت اہل خانہ کے لئے صبر جمیل کی دعا کرتے ہیں
مسلم لیگ ن کی نائب صدر مریم نواز نے کہا کہ ڈیوٹی کے دوران ٹی وی رپورٹر صدف کی قیمتی جان کے ضیاع کا سن کر مجھے بہت دکھ ہوا۔ سوگوار خاندان کے لیے میری دعائیں
اس موقع پر تحریک انصاف کے سربراہ عمران خان نے ٹوئیٹر پر لکھا ہے کہ رپورٹر صدف نعیم کی ہلاکت پر بہت افسوس ہوا ہے میں انکی فیملی سے تعزیت کرتا ہوں آج کیلئے لانگ مارچ ختم کرتا ہوں اور کل یہ دوبارہ شروع ہوجائیگا
