Columns

News

احتساب عدالت نے ملک ریاض اور فرح گوگی کے ناقابلِ ضمانت وارنٹ گرفتاری جاری کر دیئے

احتساب عدالت نے 190 ملین پاؤنڈز کرپشن کیس میں ملک ریاض، احمد علی ریاض، فرح گوگی، شہزاد اکبر، زلفی بخاری اور ضیاء المصطفیٰ نسیم کے ناقابلِ ضمانت وارنٹ گرفتاری جاری کر دیئے۔

عمران خان کا بشریٰ بی بی کو نکاح کے دن پہلی بار دیکھنے کا دعویٰ صدی کا سب سے بڑا جھوٹ ہے، عون چوہدری

عمران خان کا یہ دعویٰ رواں صدی کا سب سے بڑا جھوٹ ہے کہ بشریٰ بی بی کی شکل پہلی بار نکاح کے دن دیکھی، پرانے تعلقات کا لحاظ رکھ رہا ہوں ورنہ ایسے راز کھولوں کہ عمران خان کو منہ چھپانے کی جگہ نہ ملے۔

بشریٰ بی بی کی شکل میں نے پہلی بار نکاح کے دن دیکھی، عمران خان

پہلی بار بشریٰ بی بی کی شکل نکاح کے دن دیکھی، سائفر کیس میں جنرل (ر) باجوہ کو عدالت بلاؤں گا، جنرل (ر) باجوہ نے سب کچھ "ڈونلڈ لو" کے کہنے پر کیا۔

تحریکِ انصاف کے انٹرا پارٹی الیکشن میں فراڈ ہوا، الیکشن کمیشن میں چیلنج کریں گے، اکبر ایس بابر

تحریکِ انصاف کے انٹرا پارٹی انتخابات میں فراڈ اور ناٹک ہوا ہے، تحریکِ انصاف کے آئین میں کیئر ٹیکر کا کوئی وجود نہیں، ہم اس انٹرا پارٹی الیکشن کو آئین و قانون کے مطابق الیکشن کمیشن آف پاکستان میں چیلنج کریں گے۔

بیرسٹر گوہر خان تحریکِ انصاف کے بلامقابلہ چیئرمین منتخب ہو گئے

تحریکِ انصاف کے انٹرا پارٹی انتخابات میں بیرسٹر گوہر خان بلامقابلہ چیئرمین منتخب ہو گئے، عمر ایوب تحریکِ انصاف کے مرکزی جنرل سیکرٹری منتخب ہوئے ہیں۔
Newsroomمسلم لیگ ن پنجاب میں قومی اسمبلی کی 120 سے 125 نشستیں...

مسلم لیگ ن پنجاب میں قومی اسمبلی کی 120 سے 125 نشستیں حاصل کرے گی، رانا ثناء اللّٰہ

مسلم لیگ ن پنجاب میں قومی اسمبلی کی 120 سے 125 نشستیں حاصل کرے گی، نو مئی والے اگر جرم کا اعتراف کر کے معافی مانگیں تو معافی مل سکتی ہے، ایسا نہیں ہو سکتا کہ مجرم کو اس لیے چھوڑ دیا جائے کہ اس نے الیکشن لڑنا ہے۔

spot_img

لاہور (تھرسڈے ٹائمز) — پاکستان مسلم لیگ ن کے راہنما اور سابق وفاقی وزیرِ داخلہ رانا ثناء اللّٰہ نے پریس کانفرنس کرتے ہوئے کہا ہے کہ مسلم لیگ ن پنجاب سے قومی اسمبلی کی 120 سے 125 نشستیں حاصل کرے گی اور انشاءاللّٰه وفاق میں سادہ اکثریت کے ساتھ حکومت بنائیں گے۔

رانا ثناء اللّٰہ نے کہا ہے کہ آج پاکستان جن حالات سے گزر رہا ہے ان بحرانوں سے نکلنے کیلئے وقت کا تقاضا ہے کہ ایک تجربہ کار اور مخلص قیادت پاکستان کو لیڈ کرے، پاکستان کے پاس میاں نواز شریف کی صورت میں ایک تجربہ کار اور مخلص لیڈر موجود ہے جس نے پہلے بھی اللّٰه کے فضل سے پاکستان کو دو بار مشکلات اور بحرانوں سے نکالا ہے۔

مسلم لیگ ن کے راہنما نے کہا کہ پاکستان کو بحرانوں سے نکالنے کیلئے ایک ایسی حکومت کی ضرورت ہے جس کے پاس پانچ برس کا مینڈیٹ اور سادہ اکثریت ہو، مستحکم حکومت کیلئے ہمیں سادہ اکثریت کی ضرورت ہے لیکن میاں نواز شریف چاہتے ہیں کہ ہم سب کو ساتھ لے کر چلیں۔

سابق وزیرِ داخلہ کا کہنا تھا کہ ہم نے قوم سے جو وعدے کیے وہ پورے بھی کر کے دکھائے، ہم نے 1997 سے 1999 کے دوران کڑے حالات میں بھی پاکستان کو ایٹمی طاقت بنایا، پاکستان اللّٰه کے فضل و کرم سے قائم ہے اور انشاءاللّٰه تاقیامت قائم رہے گا کیونکہ پاکستان ایٹمی طاقت ہے۔

انہوں نے کہا کہ ان تمام سیاسی جماعتوں کو تنقید کا حق حاصل ہے جنہوں نے ہمارے خلاف الیکشن لڑنا ہے لیکن تنقید ایک حد تک ہونی چاہیے، وہ ماحول جو 2014 میں عمران خان کی صورت میں بنایا گیا وہ دوبارہ نہیں بننا چاہیے، ہم سیاسی انداز میں کی گئی تنقید کو نہ صرف برداشت کرتے ہیں بلکہ اس کا احترام بھی کرتے ہیں۔

رانا ثناء اللّٰہ کا کہنا تھا کہ تمام سیاسی جماعتوں کو انتخابات میں حصہ لینے کی اجازت ہونی چاہیے، کسی بھی سیاسی جماعت پر پابندی نہیں ہونی چاہیے، الیکشن 2018 میں جو کچھ مسلم لیگ ن کے ساتھ کیا گیا وہ کسی اور کے ساتھ نہیں ہونا چاہیے لیکن اگر کسی نے کوئی جرم کیا ہے تو اس کو قانون کا سامنا کرنا پڑے گا، ایسا نہیں ہو سکتا کہ ایک مجرم کو صرف اس لیے چھوڑ دیا جائے کہ اس نے الیکشن لڑنا ہے۔

سابق وزیرِ داخلہ نے کہا کہ ایک جتھے نے 9 مئی کو ریاست پر حملہ کیا، ایک متشدد گروہ دفاعی ادارہ پر چڑھ دوڑا اور ان کی تنصیبات کو نشانہ بنایا، شہداء کی یادگاروں کو جلایا اور توڑ پھوڑ کی، ان حملوں میں ملوث عناصر کو سزا ملنی چاہیے اور جو لوگ اس میں ملوث نہیں تھے انہیں سیاست کی اجازت ملنی چاہیے۔

ان کا کہنا تھا کہ اگر بلوچستان میں ہتھیار اٹھانے والوں کو معافی مل سکتی ہے تو پھر 9 مئی کو ریاست پر حملہ کرنے والوں کو بھی معافی مل سکتی ہے مگر یاد رکھیں کہ بلوچستان میں ہتھیار اٹھانے والوں کو تب معافی ملی جب انہوں نے ہتھیار رکھ کر اپنے جرم کا اعتراف کیا اور پاکستان پر اعتماد کا اظہار کیا، اسی طرح اگر 9 مئی والے اپنا جرم تسلیم کریں اور غلطی کا اعتراف کرتے ہوئے معافی مانگیں تو امید ہے کہ قوم ان کو معاف کر دے گی۔

ایک سوال کے جواب میں انہوں نے کہا کہ ابھی پاکستان کو ٹریک پر واپس لانے کی ضرورت ہے پھر اس کے بعد پاکستان کو ٹریک سے اتارنے والوں سے بھی حساب لیا جائے گا، اگر پاکستان کو ٹریک پر واپس نہ لایا گیا اور خدانخواستہ پاکستان ہی نہ رہا تو پھر کیسا حساب اور کون سا بدلہ لیا جا سکے گا؟ پاکستان کے جو حالات ہیں ان میں سب سے زیادہ ضروری یہی ہے کہ پہلے ملک کو ٹریک پر واپس لایا جائے۔

پیپلز پارٹی کے چیئرمین بلاول بھٹو زرداری کے متعلق بات کرتے ہوئے رانا ثنا اللّٰہ کا کہنا تھا کہ بلاول صاحب ابھی انتظار کریں، جب پاکستان کے حالات اچھے ہو جائیں گے تو نوجوانوں کا نوجوانوں سے مقابلہ ہو جائے گا، اگر بلاول کہتے ہیں کہ 70 برس کے بزرگ کو وزیراعظم نہیں بننا چاہیے تو بلاول کو خود بھی 70 برس کے بزرگ سے راہنمائی نہیں لینی چاہیے، بلاول خود صبح گھر سے نکلتے وقت بھی ایک 70 برس کے بزرگ سے پوچھتے ہیں اور پھر گھر واپس آ کر بھی اس بزرگ کو سارا حساب دیتے ہیں۔

 

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments