اسلام آباد (تھرسڈے ٹائمز) — مسلم لیگ ن کے رہنما اور سینٹ یں پارلیمانی پارٹی کے لیڈر عرفان صدیقی نے کہا ہے کہ امریکی انتخابات قریب آتے ہی امیدوار اپنے حلقے کے ووٹرز کی حمایت اور چندے کے لئے سرگرم ہیں۔ یہ بات انہوں نے سوشل میڈیا سائٹ ایکس پر اپنے بیان میں کہی۔
عرفان صدیقی کیمطابق پاکستان سے ہدایات پر ایک منظم مہم کے ذریعے پاکستان تحریکِ انصاف (پی ٹی آئی) کے امیر اور صاحب حیثیت ووٹرز نے امریکی کانگریس کے موجودہ اراکین کو پاکستان مخالف قرارداد پر آمادہ کر لیا ہے۔ بلا شبہ یہ پی ٹی آئی کی ایک بڑی کامیابی ہے۔
امریکی انتخابات سر پر کھڑے ہیں ۔ امیدوار اپنے حلقے کے ووٹرز کی حمایت اور چندے کے لئے بھاگ دوڑ میں ہیں۰پاکستان سے ہدایات پرایک منظم مہم کے ذریعے پی ٹی آئ کے امیر اور صاحب حیثیت ووٹرز نے پیسے اور اثرورسوخ
کے زور پر انتخابات لڑنے والے موجودہ ارکان کانگریس کو پاکستان مخالف قرارداد پر…— Senator Irfan Siddiqui (@IrfanUHSiddiqui) June 30, 2024
رہنما مسلم لیگ ن عرفان صدیقی نے کہا کہ پاکستان پر اقتصادی سمیت ہر طرح کی پابندیاں لگوانے کی ایک اور قرارداد پی ٹی آئی کا اگلا ہدف ہے۔ انہوں نے جاری کیے گئے ایک بیان میں کہا کہ پی ٹی آئی کے امیر ووٹرز نے امریکی اراکینِ کانگریس کو پاکستان مخالف قرارداد پر آمادہ کیا۔
عرفان صدیقی کا کہنا ہے کہ امریکی انتخابات کے لیے امیدوار ووٹرز کی حمایت اور چندے کے لیے بھاگ دوڑ میں مصروف ہیں، اور پی ٹی آئی کی قیادت سے ہدایات ملنے پر ان کے امیر ووٹرز نے امریکی اراکینِ کانگریس کو پاکستان مخالف قرارداد پر راضی کیا۔
پاکستان مسلم لیگ ن کے رہنما عرفان صدیقی نے اس قرارداد کو پی ٹی آئی کی ایک بڑی کامیابی قرار دیا اور خبردار کیا کہ پی ٹی آئی کی اگلی کوشش اقتصادی پابندیاں لگوانے کی قرارداد ہوگی۔
