ڈھاکہ (تھرسڈے ٹائمز) — بھارتی میڈیا کے مطابق بنگلہ دیش کی وزیر اعظم شیخ حسینہ واجد نے اپنے عہدے سے استعفیٰ دے دیا ہے۔ ان کے استعفیٰ کا اعلان ایک سیاسی بحران اور عوامی احتجاج کے درمیان کیا گیا ہے، جہاں ہزاروں مظاہرین ان کے استعفے کا مطالبہ کر رہے تھے۔
بھارتی میڈیا کی رپورٹس کے مطابق، بنگلہ دیشی آرمی چیف نے وزیر اعظم حسینہ واجد کو مستعفی ہونے کے لیے 45 منٹ کی ڈیڈ لائن دی تھی۔ رپورٹ میں مزید بتایا گیا کہ حسینہ واجد اور ان کی بہن کو سرکاری رہائش گاہ سے محفوظ مقام پر منتقل کر دیا گیا ہے۔ بنگلہ دیشی چیف آف آرمی اسٹاف وقار الزماں مقامی وقت کے مطابق 3 بجے قوم سے خطاب کریں گے، جبکہ پاکستانی وقت کے مطابق یہ خطاب دوپہر دو بجے ہوگا۔
بھارتی میڈیا رپورٹس کیمطابق حسینہ واجد ہیلی کاپٹر پر بھارت فرار ہوچکی ہیں۔∎
