اسلام آباد (تھرسڈے ٹائمز) — وزیراعظم شہباز شریف نے فیلڈ مارشل سید عاصم منیر کی بطور چیف آف آرمی اسٹاف اور چیف آف ڈیفنس فورسز تعیناتی کی سمری کی منظوری دے کر اسے ایوانِ صدر بھجوا دیا ہے۔ ذرائع کے مطابق صدرِ مملکت کی منظوری کے بعد اس تقرری کا باقاعدہ نوٹیفکیشن جاری کیا جائے گا۔
حکام کے مطابق فیلڈ مارشل سید عاصم منیر پاکستان کے پہلے چیف آف ڈیفنس فورسز ہوں گے، اور وہ یہ ذمہ داری اپنے منصبِ چیف آف آرمی اسٹاف کے ساتھ ساتھ انجام دیں گے۔ نئی تقرری کی مدت پانچ سال مقرر کی گئی ہے۔
وزیراعظم نے مسلح افواج کے اعلیٰ عہدوں سے متعلق فیصلوں کے سلسلے میں چیف آف ایئر اسٹاف، ائیر چیف مارشل ظہیر احمد بابر سدھو کی مدتِ ملازمت میں بھی دو سال کی توسیع کی منظوری دے دی ہے۔ یہ توسیع ان کی موجودہ پانچ سالہ مدت کے مارچ 2026 میں مکمل ہونے کے بعد نافذ العمل ہو گی۔
