واشنگٹن (تھرسڈے ٹائمز) — امریکی صدر ڈونلڈ ٹرمپ نے پاکستان کے بارے میں غیرمعمولی گرمجوشی کا اظہار کرتے ہوئے کہا ہے کہ وہ پاکستان، اسلام آباد، وزیراعظم اور فیلڈ مارشل کا بے حد احترام کرتے ہیں، جبکہ ایران بحران پر انہوں نے واضح کیا کہ اس وقت توجہ مذاکرات پر ہے۔
ڈونلڈ ٹرمپ: پاکستان اور اسلام آباد کے لیے میرے دل میں بہت احترام ہے، وزیراعظم اور فیلڈ مارشل کے لیے بھی بے حد احترام ہے۔ وہ ہمارے ساتھ کام کر رہے ہیں، اس وقت ہماری توجہ مذاکرات پر ہے۔ pic.twitter.com/mYvteFN0en
— The Thursday Times (@thursday_times) May 1, 2026
میڈیا سے گفتگو کے دوران ایک رپورٹر نے ٹرمپ سے سوال کیا کہ پاکستان نے ایران کے ساتھ لینڈ روٹس کھول دیے ہیں، کیا آپ کو اس کی خبر ہے؟ اس پر ٹرمپ نے فوراً جواب دیا: مجھے سب پتا ہے۔ پھر مسکراتے ہوئے پوچھا: آپ پاکستانی ہیں؟
رپورٹر نے جواب دیا کہ نہیں، وہ امریکی ہیں۔ اس پر ٹرمپ نے کہا: میں پاکستان، فیلڈ مارشل اور وزیراعظم دونوں کا بہت احترام کرتا ہوں۔
ٹرمپ نے مزید کہا کہ انہیں پاکستان اور اسلام آباد کے لیے بھی بڑا احترام ہے، اور وہاں کی قیادت ہمارے ساتھ کام کر رہی ہے اور مسلسل رابطے میں ہے۔ انہوں نے عندیہ دیا کہ اس وقت کسی طویل دورے سے زیادہ اہم چیز جاری مذاکرات ہیں۔
ڈونلڈ ٹرمپ کا پاکستان پر بڑا بیان؛
رپورٹر؛ پاکستان نے ایران کے ساتھ لینڈ روٹس کھول دیے، کیا آپ کو خبر ہے؟
ٹرمپ؛ مجھے سب پتا ہے۔ آپ پاکستانی ہیں؟رپورٹر؛ نہیں، امریکی ہوں۔
ٹرمپ؛ "میں پاکستان، فیلڈ مارشل اور وزیراعظم دونوں کا بہت احترام کرتا ہوں۔ pic.twitter.com/cQNcIY7LFl— The Thursday Times (@thursday_times) May 1, 2026
ایران سے متعلق گفتگو میں ٹرمپ نے کہا کہ وہاں اندرونی تقسیم اور شدید اختلافات موجود ہیں۔ ایک گروپ ایک قسم کا معاہدہ چاہتا ہے جبکہ دوسرا مختلف راستہ چاہتا ہے۔ ان کے بقول سخت گیر حلقے بھی اب کسی نہ کسی ڈیل کے خواہاں ہیں۔
ٹرمپ نے کہا کہ امریکہ کے پاس دو راستے ہیں: سخت مؤقف اختیار کرنا یا مذاکرات کو آگے بڑھانا۔ تاہم انہوں نے کہا کہ انسانی بنیادوں پر وہ جنگ سے گریز کو ترجیح دیتے ہیں۔
ایران کے اندر واضح گروپنگ اور شدید اختلافات موجود ہیں۔ ایک گروپ ایک طرح کا معاہدہ چاہتا ہے، دوسرا دوسری ڈیل کا خواہاں ہے۔ حتیٰ کہ سخت گیر حلقے بھی معاہدہ چاہتے ہیں۔
ہمارے پاس دو راستے ہیں, سخت کارروائی یا مذاکرات۔ انسانی بنیادوں پر میں جنگ نہیں چاہتا۔
امریکی صدر ڈونلڈ ٹرمپ pic.twitter.com/BvuqgUWVMF— The Thursday Times (@thursday_times) May 1, 2026
ان بیانات کو خطے میں پاکستان کے بڑھتے ہوئے سفارتی کردار کے تناظر میں دیکھا جا رہا ہے، جہاں اسلام آباد کو واشنگٹن اور تہران کے درمیان ایک ممکنہ رابطہ پل تصور کیا جا رہا ہے۔ ٹرمپ کے الفاظ اس بات کا اشارہ دیتے ہیں کہ پاکستان اس مرحلے پر محض تماشائی نہیں بلکہ ایک اہم فریق کے طور پر دیکھا جا رہا ہے۔
اگر ایران کی نئی تجاویز میں پیش رفت ہوئی تو آئندہ دنوں میں پاکستان کا کردار مزید نمایاں ہو سکتا ہے، جبکہ مذاکرات ناکام ہونے کی صورت میں خطے میں کشیدگی دوبارہ بڑھنے کا خدشہ برقرار رہے گا۔
