امریکی صدر ڈونلڈ ٹرمپ نے کہا ہے کہ بھارت اور پاکستان اپنے درمیان بڑھتی ہوئی کشیدگی اور تنازعات خود حل کرنا ہوگا۔ دونوں ممالک میں تناؤ شدید ہے، مگر ایسا ہمیشہ سے رہا ہے۔
پاکستان کی مسلح افواج مکمل طور پر تیار ہیں، اور کسی بھی مہم جوئی کا منہ توڑ جواب دیا جائے گا۔ سندھ طاس معاہدے کی یکطرفہ معطلی ناقابل قبول ہے، ایسے اقدامات کو پاکستان اپنی قومی سلامتی کے خلاف اور عملی طور پر اعلانِ جنگ تصور کرتا ہے۔
اسلام آباد میں قومی سلامتی کمیٹی کا ہنگامی اجلاس جاری ہے، جس میں بھارت کی معاہدہ معطلی اور سفارتی اخراجات پر غور کیا جا رہا ہے۔ پاکستان نے پہلگام حملے سے متعلق بھارتی الزامات کو بے بنیاد قرار دیتے ہوئے قانونی اور سفارتی اقدامات کی تیاری شروع کر دی ہے۔
پاکستان ایک ذمہ دار ایٹمی اور میزائلی طاقت ہے۔ بھارت کے حالیہ غیر سنجیدہ اور غیر ذمہ دارانہ اعلانات کا بھرپور اور مؤثر جواب دیا جائے گا۔ قومی مفاد کا ہر قیمت پر تحفظ کیا جائے گا، اور بھارت کو مناسب وقت پر ترکی بہ ترکی جواب دیا جائے گا۔
پوپ فرانسس، پہلے لاطینی امریکی پوپ، 88 برس کی عمر میں وفات پا گئے۔ ان کی پاپائیت چرچ میں اصلاحات، غزہ اور فلسطینیوں کی حمایت، اور عالمی انسانی مسائل پر بھرپور توجہ سے عبارت رہی۔
بین الاقوامی ریٹنگز ایجنسی فچ نے پاکستانی مالی اصلاحات، زرمبادلہ ذخائر میں بہتری اور آئی ایم ایف پروگرام میں پیش رفت کے باعث پاکستان کی کریڈٹ ریٹنگ مستحکم کردی۔ پاکستانی درجہ بندی میں اضافہ عالمی مالیاتی اداروں کے اعتماد کی علامت ہے۔
پاکستان پہلی مرتبہ امریکہ سے خام تیل درآمد کرنے پر سنجیدگی سے غور کر رہا ہے، تاکہ بڑھتے ہوئے امریکی ٹیرف اور تین ارب ڈالر کے تجارتی خسارے کا مؤثر توڑ نکالا جا سکے۔ یہ متوقع معاہدہ نہ صرف توانائی کے روایتی انحصار کو کم کرے گا بلکہ واشنگٹن کے ساتھ اقتصادی تعلقات میں نئی راہیں بھی کھولے گا۔
مارچ میں بیرون ملک مقیم پاکستانیوں کی ترسیلات زر 4.05 ارب ڈالر کی ریکارڈ سطح پر پہنچ گئیں، جو کہ گزشتہ سال کے مقابلے میں 37 فیصد زیادہ ہیں۔ اسٹیٹ بینک نے ترسیلات زر کا سالانہ ہدف 36 ارب سے بڑھا کر 38 ارب ڈالر کر دیا۔
امریکی کانگریس کے اعلیٰ سطحی وفد کی آرمی چیف جنرل سید عاصم منیر سے ملاقات، جس میں علاقائی سلامتی، دفاعی تعاون، اور آئی ٹی ٹریننگ کے شعبوں میں مفاہمت کی یادداشتوں پر دستخط کیے گئے۔ ملاقات میں دو طرفہ تعلقات کو وسعت دینے پر زور دیا گیا۔
