مہنگائی کا جن بوتل میں بند کیا جاسکتا ہے، اسحاق ڈار

مسلم لیگ ن کے رہنما سابق وزیرخزانہ سینیٹر اسحاق ڈار کا کہنا ہے کہ بجائےاسکے ہمارا سارا فوکس معیشت مہنگائی پر ہو ہم ایکسٹینشن جیسی چیزوں میں الجھے ہوئے ہیں جس پر اتنا وقت صرف کرنے کی ضرورت ہی نہیں ہے کہ ایکسٹینشن دینی ہے نہیں دینی مانگی جائیگی یا نہیں یہ ساری ذمہ داری حکومت کی ہے جب وقت آئیگا حکومت فیصلہ کر لے گی

سابق وزیر خزانہ نے کہا کہ عمران خان کی جانب سے بہت گندی سیاست کی جارہی ہے آئین میں کہیں نہیں لکھا کہ نئے آرمی چیف کی تقرری کیلئے اپوزیشن سے مشاورت کی جائے نہ ہی اسکی ضرورت ہے

ن لیگی رہنما کا کہنا تھا کہ جب عمران خان نے دیکھا کہ میں حکومت سے نکلنے والا ہوں تو ملک میں معاشی بارودہ سرنگیں بچھانے کی کوششیں کیں آئی ایم ایف سے جو معاہدہ انہوں نے خود کیا اسکی خلاف ورزی کرنا شروع کردی

معیشت اور مہنگائی کے بارے میں بات کرتے ہوئے سابق وزیرخزانہ نے کہا کہ مہنگائی کے جن کو ابھی بھی بوتل میں بند کیا جاسکتا ہے لیکن اس کے لیے سب سے پہلے ڈالر کی بڑھتی قیمت کو کنڑول کرنا اور روپے کی ویلیو کو بہتر کرنا ہوگا انکا کہنا تھا کہ تحریک انصاف حکومت کی جانب سے فنڈڈ سبسڈیز کے معاملے پر قوم اور بین الاقوامی کمیونٹی سے جھوٹ بولا گیا کہ سبسڈیز فنڈد ہیں حالانکہ ایسا تھا ہی نہیں انہوں نے اپنی سیاست کو ریاست پر ترجیح دی

سینیٹر اسحاق ڈار نے کہا کہ ملک میں مہنگائی کی بنیادی وجہ ڈالر کی قیمت بڑھنا اور روپے کی قیمت کم ہونا ہے میری تھیوری ہے کہ جب بھی روپے کی قیمت کم کی جائیگی مہنگائی کا طوفان آئیگا اور ایسا ہی ہوا روپے کو کھلا چھوڑا گیا جسکے نتیجہ میں مہنگائی کا طوفان آگیا

معاشی مسئلے کے حل کیلئے اسحق ڈار نے کہا کہ پہلا مسئلہ روپے کی قدر میں کمی دوسرا شرح سود اور تیسرا مسئلہ مہنگائی ہے ان تینوں چیزوں پر ہمیں قابو پانا ہوگا اگلے برس اگست تک ہمارے پاس وقت ہے جو میں سمجھتا ہوں معیشت کو بہتری کی طرف گامزن کرنے کے لیے کم وقت نہیں اور ہم معیشت کو بہتر ان شا اللہ کرسکتے ہیں

اسحاق ڈار کا کہنا تھا کہ اگر طلال چوہدری نہال ہاشمی دانیال عزیز یوسف رضا گیلانی توہین عدالت میں نااہل ہوسکتے ہیں تو پھر ہر پاکستانی یہ توقع کرتا ہے کہ وہی فارمولا عمران خان پر بھی لگے گا