اسلام آباد—وفاقی کابینہ کے اجلاس میں آئندہ مالی سال (2023-24) کا بجٹ منظوری کر لیا گیا جس کے مطابق سرکاری ملازمین کی تنخواہوں اور پنشنز میں 35 فیصد تک ایڈہاک اضافہ کیا گیا ہے۔
نئے بجٹ کے مطابق گریڈ 1 سے گریڈ 16 تک کے سرکاری ملازمین کیلئے تنخواہوں میں 35 فیصد ایڈہاک اضافہ اور گریڈ 17 سے اوپر کے سرکاری ملازمین کی تنخواہوں میں 30 فیصد اضافہ کیا گیا ہے جبکہ پینشنرز کی پینشن میں 17.5 فیصد اضافہ منظور کیا گیا ہے۔
وفاقی کابینہ نے کم از کم تنخواہ 30 ہزار روپے مقرر کرنے کی منظوری دی جبکہ وزیراعظم میاں محمد شہباز شریف نے مزدور کی تنخواہ میں 2 ہزار کا مزید اضافہ کرتے ہوئے کم از کم اجرت 32 ہزار روپے مقرر کرنے کی منظوری دی۔ مزید برآں، ای او بی آئی پنشن 8500 سے بڑھا کر 10 ہزار روپے کر دی گئی ہے۔
