spot_img

Columns

News

مستقبل کا راستہ چن لیا ہے، موجودہ آئی ایم ایف پروگرام آخری ہو گا۔ وزیراعظم شہباز شریف

مستقبل کا راستہ چن لیا ہے، وعدہ کرتا ہوں موجودہ آئی ایم ایف پروگرام آخری ہو گا، ایسے اداروں کا خاتمہ کیا جائے گا جو پاکستان پر بوجھ بن چکے، ماضی میں جب بھی ترقی کا سفر شروع ہوا کوئی حادثہ ہو گیا۔

خطبہِ حج 1445 ہجری، امام شیخ ماہر بن حمد المعیقلی

اے لوگو! اللّٰه سے ڈرو جیسے اس سے ڈرنے کا حق ہے، اللّٰه تعالٰی اپنی ذات میں واحد ہے، تمام مسلمان ایک دوسرے کے بھائی ہیں، والدین کا نافرمان نہ دنیا میں کامیاب ہو گا نہ آخرت میں، اللّٰه نے شرک کو حرام کر دیا، فلسطین کے مسلمانوں کیلئے دعا کرتا ہوں۔

عید سے قبل پٹرولیم مصنوعات کی قیمتوں میں بڑی کمی کردی گئی

وزیراعظم شہباز شریف نے عید پر پیٹرول کی قیمت میں 10 روپے 20 پیسے اور ڈیزل کی قیمت میں 2 روپے 33 پیسے کمی کا اعلان کیا ہے۔ نئی قیمتیں آج رات 12 بجے سے نافذ ہوں گی۔ حکومت نے یکم جون کو بھی قیمتیں کم کی تھیں، جس سے عوام کو مجموعی طور پر 35 روپے کا ریلیف ملا ہے۔

عدلیہ میں اسٹیبلشمنٹ کی مداخلت کا خاتمہ جلد ہونے والا ہے، چیف جسٹس لاہور ہائی کورٹ

عدلیہ میں اسٹیبلشمنٹ کی مداخلت زیادہ ہے، یہ سلسلہ مولوی تمیز الدین کیس سے شروع ہوا، عدلیہ اس مداخلت کے خلاف جدوجہد کر رہی ہے اور جلد اس کا خاتمہ ہونے والا ہے، ایک جج کو کسی کا ڈر نہیں ہونا چاہیے۔

پاکستان اسٹاک مارکیٹ دنیا کی بہترین کارکردگی والی مارکیٹ بن گئی, امریکی جریدہ بلومبرگ

پاکستان اسٹاک مارکیٹ نے بہترین کارکردگی کی بنا پر ڈالر میں دنیا کی ٹاپ پرفارمر سٹاک مارکیٹ کا اعزاز حاصل کر لیا ہے، جس میں گزشتہ ایک برس کے دوران تقریباً دوگنا اضافہ ہوا ہے۔ اس اضافہ کو ملکی معیشت کے لیے مثبت اشارہ قرار دیا جا رہا ہے اور حکومتی اقدامات کی بدولت مستقبل میں مزید بہتری کی امید کی جا رہی ہے۔
spot_img
Analysisخلیجی ممالک پاکستان میں اربوں ڈالر کی سرمایہ کاری کیلئے تیار ہیں،...

خلیجی ممالک پاکستان میں اربوں ڈالر کی سرمایہ کاری کیلئے تیار ہیں، جریدہ وال سٹریٹ جرنل

پاکستان کو شمسی توانائی اور انفارمیشن ٹیکنالوجی سمیت کم و بیش 25 بلین ڈالرز کے معاہدوں کی توقع ہے، پاکستان کی دفاعی صنعتیں بھی سرمایہ کاری کیلئے کھلی ہیں جبکہ پاکستان زراعت کیلئے غیر کاشت شدہ سرکاری زمین طویل عرصہ کیلئے لیز پر دینے کیلئے بھی تیار ہے۔

spot_img

ریاض/ابوظہبی/دوحہ/اسلام آباد— نیو یارک میں قائم بین الاقوامی اخبار “دی وال سٹریٹ جرنل” میں گزشتہ روز شائع ہونے والے آرٹیکل کے مطابق پاکستان اربوں ڈالرز کی سرمایہ کاری لانے کیلئے خلیجی ممالک کے ساتھ گفت و شنید کر رہا ہے، پاکستان اپنی معیشت کی استحکام کی طرف لانا چاہتا ہے جبکہ تیل کی دولت سے مالا مال ریاستیں اپنی معیشت کو مزید مضبوط کرنے اور اپنا اثر و رسوخ بڑھانے کیلئے قدم آگے بڑھانا چاہتی ہیں۔

دی وال سٹریٹ جرنل کے مطابق سعودی عرب تانبے کی ایک بڑی کان خریدنے کیلئے معاملات طے کر رہا ہے جو کہ مغربی پاکستان میں سات بلین ڈالرز کی لاگت سے تیار ہوئی ہے جبکہ پاکستان میں 14 بلین ڈالرز تک کی لاگت سے سعودی آئل ریفائنری کے قیام کیلئے بھی معاملات اعلیٰ سطح تک پہنچ چکے ہیں۔

امریکی اخبار کے آرٹیکل میں لکھا گیا ہے کہ کان کنی، انرجی انفراسٹرکچر، فارم لینڈ اور پاکستان کے سرکاری کاروبار کی نجکاری کیلئے جاری معاملات میں سعودی عرب، متحدہ عرب امارات اور قطر اہم ترین ممالک ہیں جبکہ پاکستان نے خلیجی ممالک کی سرمایہ کاری کیلئے سپیشل انویسٹمنٹ فسیلی ٹیشن کونسل کے قیام سے راہیں ہموار کی ہیں۔

سپیشل انویسٹمنٹ فسیلی ٹیشن کونسل کی ایگزیکٹو کمیٹی کے سربراہ احسن اقبال کا کہنا ہے کہ یہ سرمایہ کاروں کیلئے ایک بڑا موقع ہے جبکہ ہم انہیں یقین دہانی کروائیں گے کہ سرمایہ کاری کیلئے پاکستان کی پالیسیز میں تسلسل قائم رہے گا، پاکستان کو شمسی توانائی اور انفارمیشن ٹیکنالوجی سمیت کم و بیش 25 بلین ڈالرز کے معاہدوں کی توقع ہے، پاکستان کی دفاعی صنعتیں بھی سرمایہ کاری کیلئے کھلی ہیں جبکہ پاکستان زراعت کیلئے غیر کاشت شدہ سرکاری زمین طویل عرصہ کیلئے لیز پر دینے کیلئے بھی تیار ہے۔

وال سٹریٹ جرنل کے مطابق پاکستان میں آئندہ انتخابات تاخیر کا شکار ہو سکتے ہیں، نئے انتخابات تک ایک غیر سیاسی کیئر ٹیکر سیٹ اپ قائم رہے گا جو سرمایہ کاری کیلئے ان معاملات کی بھی نگرانی کرے گا جبکہ اس ضمن میں نگران حکومت کو نئے اختیارات بھی دیئے گئے ہیں جو ممکنہ طور پر فوج کے زیرِ اثر ہوں گے تاکہ نگران حکومت کو اقتصادی طور پر بڑے فیصلے کرنے کے قابل بنایا جا سکے۔

امریکہ میں قائم بین الاقوامی اخبار کے مطابق پاکستان میں خلیجی ممالک کے ان سرکاری ملکیتی اداروں کی آمد متوقع ہے جو حالیہ برسوں میں مصر، ایتھوپیا، سوڈان اور ہارن آف افریقہ میں سرمایہ کاری کر چکے ہیں، تجزیہ نگاروں کے مطابق خلیجی ممالک کیلئے پاکستان اور مصر علاقائی سلامتی کیلئے ترجیحات میں سرفہرست ہیں جبکہ خلیجی ممالک کسی صورت پاکستان یا مصر کو ناکام ریاست کے طور پر دیکھنے کے متحمل نہیں ہو سکتے کیونکہ پاکستان اور مصر بڑی آبادی، وسیع قابلِ کاشت رقبوں اور بڑی فوجوں والی ریاستیں ہیں۔

وال سٹریٹ جرنل کے مطابق متحدہ عرب امارات اور قطر، دونوں اسلام آباد ائیر پورٹ پر ٹرمینل سروسز چلانے کیلئے دلچسپی رکھتے ہیں، دونوں ممالک اس سے پہلے افغانستان میں کابل ائیر پورٹ کو چلانے کے معاہدے کیلئے بھی سخت مقابلہ کر چکے ہیں جو کہ متحدہ عرب امارات نے جیت لیا جبکہ اب دونوں ممالک اسلام آباد میں سرمایہ کاری کیلئے بھی مدمقابل ہیں۔

پاکستان میں سعودی آئل ریفائنری کا معاہدہ اہم مراحل میں داخل ہو چکا ہے، یہ ممکنہ طور پر گوادر میں قائم ہو گی جو کہ چین کی جانب سے بحیرہ عرب پر تیار کی گئی بندرگاہ ہے اور پاکستان میں چینی سرمایہ کاری کے پروگرامز کا مرکز ہے، دونوں ممالک کی جانب سے رواں سال کے آخر تک ریفائنری کے قیام کیلئے حتمی معاہدہ طے کر لیا جائے گا جو کہ پاکستان میں سب سے بڑی آئل ریفائنری ہو گی، اس کی تعمیر 2024 کے اوائل میں شروع ہو جائے گی۔

ریکوڈک کان کنی کیلئے بھی سعودی عرب سے بات چیت جاری ہے، سعودی عرب کی سوورن ویلتھ فنڈ اور پبلک انویسٹمنٹ فنڈ سعودی کان کنی کمپنی معادن کے ساتھ مل کر ریکوڈک کے 50 فیصد حصص حاصل کریں گے جبکہ سعودی عرب کو تانبے کے علاقوں میں بھی حقوق فراہم کیے جائیں گے۔

امریکی اخبار کے مطابق سعودی عرب کان کنی کے معاملات میں دلچسپی رکھتا ہے جبکہ متحدہ عرب امارات زراعت، توانائی اور لاجسٹکس میں دلچسپی رکھتا ہے، متحدہ عرب امارات کراچی کی بندرگاہ پر کنٹینر ٹرمینل کے ایک حصہ کو چلانے کیلئے جون میں 50 سالہ لیز بھی حاصل کر چکا ہے۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: