spot_img

Columns

News

Tennessee signs bill into law allowing death penalty for child rape convictions

Tennessee Governor Bill Lee has signed the Child Protection Act of 2024, allowing the death penalty for individuals convicted of raping a child under 12.

وزیراعلیٰ مریم نواز کی ابتدائی 100 دنوں کی کارکردگی پر عوام کا اعتماد

وزیراعلیٰ پنجاب مریم نواز کی ابتدائی 100 دن کی حکومت پر عوامی رائے سامنے آئی ہے۔ آئی پی او آر کے سروے کے مطابق 55 فیصد افراد نے اطمینان کا اظہار کیا ہے۔ شہری علاقوں میں 62 فیصد اور دیہی علاقوں میں 48 فیصد افراد مطمئن ہیں۔

مستقبل کا راستہ چن لیا ہے، موجودہ آئی ایم ایف پروگرام آخری ہو گا۔ وزیراعظم شہباز شریف

مستقبل کا راستہ چن لیا ہے، وعدہ کرتا ہوں موجودہ آئی ایم ایف پروگرام آخری ہو گا، ایسے اداروں کا خاتمہ کیا جائے گا جو پاکستان پر بوجھ بن چکے، ماضی میں جب بھی ترقی کا سفر شروع ہوا کوئی حادثہ ہو گیا۔

خطبہِ حج 1445 ہجری، امام شیخ ماہر بن حمد المعیقلی

اے لوگو! اللّٰه سے ڈرو جیسے اس سے ڈرنے کا حق ہے، اللّٰه تعالٰی اپنی ذات میں واحد ہے، تمام مسلمان ایک دوسرے کے بھائی ہیں، والدین کا نافرمان نہ دنیا میں کامیاب ہو گا نہ آخرت میں، اللّٰه نے شرک کو حرام کر دیا، فلسطین کے مسلمانوں کیلئے دعا کرتا ہوں۔

عید سے قبل پٹرولیم مصنوعات کی قیمتوں میں بڑی کمی کردی گئی

وزیراعظم شہباز شریف نے عید پر پیٹرول کی قیمت میں 10 روپے 20 پیسے اور ڈیزل کی قیمت میں 2 روپے 33 پیسے کمی کا اعلان کیا ہے۔ نئی قیمتیں آج رات 12 بجے سے نافذ ہوں گی۔ حکومت نے یکم جون کو بھی قیمتیں کم کی تھیں، جس سے عوام کو مجموعی طور پر 35 روپے کا ریلیف ملا ہے۔
spot_img
Newsroomخیبرپختونخوا کے عوام ایک جھوٹے شخص کے جھانسے میں آ گئے تھے،...

خیبرپختونخوا کے عوام ایک جھوٹے شخص کے جھانسے میں آ گئے تھے، امید ہے آئندہ ایسا نہیں ہو گا، نواز شریف

خیبرپختونخوا کے عوام ایک جھوٹے شخص کے جھانسے میں آ گئے تھے، وہ شخص نیا پاکستان کا نعرہ لگا کر مکر و فریب کی سیاست کر رہا تھا، اس نے پاکستان کو تباہ و برباد کر دیا، امید ہے خیبرپختونخوا کے عوام دوبارہ تبدیلی کے جال میں نہیں پھنسیں گے۔

spot_img

سوات (تھرسڈے ٹائمز) — پاکستان مسلم لیگ (ن) کے سپریم لیڈر میاں نواز شریف نے انتخابی جلسہ سے خطاب کرتے ہوئے کہا ہے کہ خیبرپختونخوا کے عوام ایک جھوٹے شخص کے جھانسے میں آ گئے، ایک جھوٹے شخص نے مکر و فریب کی سیاست کی اور خیبرپختونخوا والے اس کے جال میں پھنس گئے، مجھے امید ہے کہ خیبرپختونخوا کے عوام دوبارہ کسی تبدیلی کے جھانسے میں نہیں آئیں گے۔

میاں نواز شریف نے کہا کہ مجھے خیبرپختونخوا کے عوام سے محبت ہے، آپ بہت سادہ اور سیدھے سادھے لوگ ہیں، مجھے آپ پر ترس بھی آتا ہے کہ آپ کیسے ایک جھوٹے شخص کے جھانسے میں آ گئے جس نے آپ سے ایک کروڑ نوکریوں، پچاس لاکھ گھروں اور ون بلین ٹریز جیسے جھوٹے وعدے کیے تھے، وہ آپ سے جھوٹے وعدے کرتے رہا اور آپ کو دھوکہ دیتا رہا، اس شخص نے خیبرپختونخوا کے عوام کے جذبات کے ساتھ کھلواڑ کیا۔

قائد مسلم لیگ (ن) کا کہنا تھا کہ نواز شریف کے دور میں آٹا، چینی، بجلی اور گیس سمیت سب کچھ سستا تھا، اگر ایسا تھا تو آپ کیوں ایک جھوٹے شخص کے جال میں پھنس گئے؟ دس برس تک صوبہ میں اس شخص کی حکومت رہی اور اس نے یہاں کے عوام کیلئے کچھ نہیں کیا، اگر یہی دس برس ہمیں ملتے تو آج صوبہ خیبرپختونخوا پاکستان کا سب سے زیادہ خوبصورت صوبہ بن چکا ہوتا۔

سابق وزیراعظم نے کہا کہ اگر دس برس مجھے یہاں حکومت ملی ہوتی اور مجھے اپنے بیٹے سے تنخواہ نہ لینے پر جھوٹے مقدمات بنا کر نہ نکالا جاتا تو آج خیبرپختونخوا میں کوئی بےروزگار نہ ہوتا اور کوئی بھی شخص بےگھر نہ ہوتا، ہر شخص عزت کی روٹی کماتا اور تمام گھروں میں روشنی کے چراغ جلتے، بچے سکول جاتے اور بچوں کی فیس، علاج معالجہ اور دوائیوں کیلئے کسی بھی طرح کی مشکلات نہ ہوتیں۔

میاں نواز شریف کا کہنا تھا کہ آپ نے ایک جھوٹے شخص کے جال مین پھنس کر نئے پاکستان کی تلاش میں پرانا پاکستان تباہ و برباد کر دیا، مجھے بتائیں کہ اس نئے پاکستان میں یہاں کون سی موٹرویز بنائی گئیں اور بجلی کے کون سے منصوبے شروع کیے گئے؟ وہ 300 ڈیمز کہاں ہیں؟ مجھے کوئی ایک ڈیم تو دکھائیں جو نئے پاکستان میں بنایا گیا ہو۔

مسلم لیگ (ن) کے سپریم لیڈر نے کہا کہ نواز شریف نے لوڈشیڈنگ کا خاتمہ کیا تھا، پھر آپ کیوں اس شخص کے پیچھے لگ گئے جس نے ملک کو تباہ کر دیا اور یہ حال کر دیا کہ ہر چیز مہنگی ہو چکی ہے، ہم جھوٹ نہیں بولتے، میں نے کبھی عوام سے جھوٹ نہیں بولا بلکہ ہمیشہ سچ بولا ہے اور انشاءاللّٰه ہمیشہ سچ بولتا رہوں گا، ووٹ ملنا یا نہ ملنا اللّٰه تعالٰی کے اختیار میں ہے، میں جھوٹ بول کر اپنی عاقبت خراب نہیں کر سکتا۔

سابق وزیراعظم کا کہنا تھا کہ یہاں دن رات جھوٹ بولا گیا اور خیبرپختونخوا کے عوام کو دھوکہ دیا گیا، آپ کے ساتھ جعل سازی کی گئی اور آپ اس جال میں پھنس گئے، آپ نے پورے ملک کو اس جال میں پھنسا دیا، خیبرپختونخوا کے عوام کو اللّٰه سے معافی مانگنی چاہیے، ہمارے دور میں 25 روپے کی پانچ روٹیاں ملتی تھیں اور اب 25 روہے میں 5 روٹیاں ملتی ہیں۔

میاں نواز شریف نے کہا کہ میں نے بڑے غم دیکھے ہیں اور انہیں برداشت کیا ہے لیکن میں عوام کے غم برداشت نہیں کر سکتا، ہم انشاءاللّٰه عوام کے غموں کو دور کریں گے، ہم نے چترال میں لواری ٹنل بنایا لیکن پھر 2018 کے الیکشن میں چترال میں مسلم لیگی امیدوار ہار گیا، آپ کو ایسا نہیں کرنا چاہیے تھا، خیبرپختونخوا کے عوام ایسے نہیں ہیں، وعدہ کریں کہ آپ آئندہ ایسا نہیں کریں گے۔

قائد مسلم لیگ (ن) کا کہنا تھا کہ ایک شخص کہتا تھا کہ میں تبدیلی لاؤں گا، نیا پاکستان بناؤں گا، نیا خیبرپختونخوا بناؤں گا اور خیبرپختونخوا میں تبدیلی لاؤں گا، آج کہاں ہے وہ تبدیلی؟ کیا کہیں تبدیلی نظر آتی ہے؟ یہ مکر و فریب کی سیاست تھی اور آج اس شخص کے جال میں پھنس گئے، میں آپ کو یہ یاد دلانے آیا ہوں کہ آپ نے آئندہ جال میں نہیں پھنسنا اور نہ کسی کے دھوکہ میں آنا ہے۔

میاں نواز شریف کا کہنا تھا کہ ہم انشاءاللّٰه یقینی بنائیں گے کہ زندگی کی تمام سہولیات آپ کو گھروں کی دہلیز پر ملیں، آپ نے 8 فروری کو مسلم لیگ (ن) کو ووٹ دینا ہے اور دوبارہ کسی دھوکہ باز کے مکر و فریب کے جال میں نہیں آنا۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: