اسلام آباد (تھرسڈے ٹائمز) — عید کی چھٹیوں کے بعد کاروباری ہفتہ کے پہلے روز پاکستان سٹاک مارکیٹ میں آج تاریخ ساز دن، ہنڈرڈ انڈیکس میں 78 ہزار کی نفسیاتی حد بھی عبور ہو گئی۔
پاکستان سٹاک مارکیٹ میں آج زبردست تیزی دیکھنے میں آئی ہے، گزشتہ کاروباری ہفتے کے اختتام پر 76 ہزار 707 پوائنٹس پر بند ہونے والی سٹاک مارکیٹ میں آج ہنڈرڈ انڈیکس 78 ہزار 500 سے زائد پوائنٹس تک پہنچ چکا ہے، مجموعی طور پر ہنڈرڈ انڈیکس میں اب تک 1 ہزار 800 سے زائد پوائنٹس (تقریباً 2 اعشاریہ 32 فیصد) کا نمایاں اضافہ ہوا ہے۔
تجارتی حجم کو دیکھا جائے تو 14 کروڑ 69 لاکھ 63 ہزار 713 سے زائد حصص کا تبادلہ ہوا ہے جبکہ تجارتی مالیت 10 ارب 76 کروڑ 38 لاکھ 69 ہزار 998 روپے سے زائد رہی ہے۔
