کراچی (تھرسڈے ٹائمز) — پاکستان سٹاک مارکیٹ میں تاریخی بلندی، بینچ مارک ہنڈرڈ انڈیکس میں 1 لاکھ 9 ہزار کی نفسیاتی حد بھی عبور ہو گئی۔
کاروباری ہفتہ کے آخری روز پاکستان سٹاک مارکیٹ میں زبردست تیزی کا رجحان ہے، بینچ مارک ہنڈرڈ انڈیکس ایک موقع پر 1 ہزار 239 پوائنٹس اضافہ کے ساتھ 1 لاکھ 9 ہزار 478 پوائنٹس تک پہنچ گیا۔
گزشتہ کاروباری روز کے اختتام پر 1 لاکھ 8 ہزار 238 پوائنٹس پر بند ہونے والا سٹاک ایکسچینج مجموعی طور پر ہنڈرڈ انڈیکس میں 1 ہزار 239 اعشاریہ 12 پوائنٹس کے نمایاں اضافہ کے ساتھ 1 لاکھ 9 ہزار 478 پوائنٹس پر پہنچنے کے بعد اب کچھ پوائنٹس کی کمی کے ساتھ 1 لاکھ 9 ہزار 34 پوائنٹس پر ٹریڈ کر رہا ہے۔
تجارتی حجم کو دیکھا جائے تو 90 کروڑ 5 لاکھ 49 ہزار 667 سے زائد حصص کا تبادلہ ہو چکا ہے جبکہ تجارتی مالیت 32 ارب 20 کروڑ 40 لاکھ 65 ہزار 637 روپے سے زائد رہی ہے۔∎
