کراچی (تھرسڈے ٹائمز) — پاکستان سٹاک مارکیٹ میں ریکارڈ ساز دن، بینچ مارک ہنڈرڈ انڈیکس میں آج 1 لاک 12 ہزار اور پھر 1 لاکھ 13 ہزار کی نفسیاتی حد بھی عبور ہو گئی۔
کاروباری ہفتہ کے چوتھے روز پاکستان سٹاک مارکیٹ میں زبردست تیزی کا رجحان ہے، بینچ مارک KSE ہنڈرڈ انڈیکس 2 ہزار 671 پوائنٹس اضافہ کے ساتھ 1 لاکھ 13 ہزار 400 پوائنٹس کی سطح بھی عبور کر گیا۔
گزشتہ کاروباری روز کے اختتام پر 1 لاکھ 10 ہزار 810 پوائنٹس پر بند ہونے والا سٹاک ایکسچینج مجموعی طور پر ہنڈرڈ انڈیکس میں 2 ہزار 671 اعشاریہ 69 پوائنٹس کے نمایاں اضافہ کے ساتھ 1 لاکھ 13 ہزار 481 پوائنٹس کی تاریخی سطح پر پہنچ گیا۔
ایک لاکھ 13 ہزار 400 پوائنٹس کی سطح عبور کرنے والا سٹاک ایکسچینج اب 700 سے زائد پوائنٹس کمی اور مجموعی طور پر 1 ہزار 914 پوائنٹس اضافہ (تقریباً 1 اعشاریہ 73 فیصد) کے ساتھ 1 لاکھ 12 ہزار 724 اعشاریہ 25 پوائنٹس پر ٹریڈ کر رہا ہے۔
تجارتی حجم کو دیکھا جائے تو 54 کروڑ 92 لاکھ 41 ہزار 904 سے زائد حصص کا تبادلہ ہو چکا ہے جبکہ تجارتی مالیت 29 ارب 55 کروڑ 59 لاکھ 83 ہزار 329 روپے سے زائد رہی ہے۔