کراچی (تھرسڈے ٹائمز) — پاکستان سٹاک مارکیٹ میں نئے سال 2025 کے دوسرے روز بھی ریکارڈ ساز بلندی، بینچ مارک ہنڈرڈ انڈیکس میں 1350 سے زائد پوائنٹس کا اضافہ، سٹاک ایکسچینج تاریخ کی نئی بلند ترین سطح پر پہنچ گیا۔
کاروباری ہفتہ کے چوتھے اور نئے سال 2025 کے دوسرے روز پاکستان سٹاک مارکیٹ میں آغاز سے زبردست تیزی کا رجحان رہا، بینچ مارک ہنڈرڈ انڈیکس میں 1350 سے زائد پوائنٹس اضافہ کے ساتھ سٹاک ایکسچینج 1 لاکھ 18 ہزار 300 کی سطح عبور کر گیا ہے۔
گزشتہ کاروباری روز کے اختتام پر 1 لاکھ 17 ہزار 8 اعشاریہ 08 پوائنٹس پر بند ہونے والا سٹاک ایکسچینج آج مجموعی طور پر ہنڈرڈ انڈیکس میں 1 ہزار 359 اعشاریہ 73 پوائنٹس کے نمایاں اضافہ کے ساتھ 1 لاکھ 18 ہزار 367 اعشاریہ 81 پوائنٹس کی بلند ترین سطح پر پہنچ چکا ہے۔
آج کاروبار کے دوران اب تک کے تجارتی حجم کو دیکھا جائے تو 67 کروڑ 18 ہزار 17 سے زائد حصص کا تبادلہ ہو چکا ہے جبکہ تجارتی مالیت 20 ارب 76 کروڑ 58 لاکھ 31 ہزار 895 روپے سے زائد رہی ہے۔
