حالیہ پاک بھارت جنگ کے دوران پاکستان کی جانب سے 5 سے 6 بھارتی لڑاکا طیارے مار گِرائے جانے کے دعویٰ پر بھارت نے 3 ماہ تک مکمل خاموشی اختیار کی — نہ کوئی وضاحت، نہ کوئی تردید — اِس دوران عالمی میڈیا حتیٰ کہ امریکی صدر ڈونلڈ ٹرمپ بھی بظاہر پاکستان کے مؤقف کے قریب دکھائی دیئے۔ پاکستان نے نہ صرف کھل کر ڈونلڈ ٹرمپ کا شکریہ ادا کیا بلکہ دنیا کو یہ پیغام بھی دیا کہ امریکی ثالثی نے جنگ کو وسیع پیمانے پر بڑھنے سے روک دیا۔
یہ بھی یاد رہے کہ پاکستان نے اِس دعویٰ کے اگلے ہی دن ایک غیر معمولی قدم اٹھایا۔ پاکستان کی تینوں مسلح افواج کے ترجمانوں نے بین الاقوامی میڈیا کے سامنے پریس کانفرنس کی جس میں بھارتی طیارے مار گرانے کے تمام ثبوت پیش کیے گئے جبکہ اِن ثبوتوں میں بھارتی رافیل (فرانسیسی ساختہ) طیارے کے ملبہ اور دیگر شواہد بھی شامل تھے۔ اِس خبر کے منظرِ عام پر آتے ہی عالمی مارکیٹ میں رافیل بنانے والی کمپنی کے شیئرز گِر گئے کیونکہ دنیا کو یہ پیغام پہنچا کہ پاکستان نے جدید بھارتی رافیل طیارے بھی مار گِرائے ہیں۔
بھارت کے تین رافیل طیارے ، ایک MiG-29 اور ایک Su-30 تباہ کیے گئے۔ بھارت نے آخر کار تسلیم کرلیا کے اسکے رافیل طیارے تباہ ہوئے یہ روزِ روشن کی طرح عیاں ہے، زمین پر بھی اور فضاء میں بھی۔ سب کچھ سیٹلائٹ تصاویر میں دیکھا جا سکتا ہے، اس لیے ان کے پاس ماننے کے سوا کوئی چارہ نہ تھا۔… pic.twitter.com/WAkdXGO1zN
— The Thursday Times (@thursday_times) May 11, 2025
پاکستانی دعویٰ نہ صرف عالمی دفاعی تجزیہ کاروں نے بلکہ خود بھارتی ماہرین نے بھی درست قرار دیا جن میں پراوین ساہنی جیسے نام شامل ہیں۔ یہ وہی حقیقت پسندی ہے جو 2019 میں بھی سامنے آئی تھی جب بھارت نے پاکستان کا ایف 16 مار گِرانے کا دعویٰ کیا تھا مگر بعد میں یہ دعویٰ عالمی سطح پر جھوٹا ثابت ہوا۔
پاکستان نے بھارت کے پانچ سے چھے جنگی طیارے مار گرائے ہیں، جس کی تصدیق متعدد ذرائع کر رہے ہیں۔ اگر بھارتی چیف آف ڈیفنس یہ کہتے ہیں کہ گرائے گئے طیاروں کی تعداد کی کوئی اہمیت نہیں، تو سوال یہ ہے کہ پھر وہ اس تعداد کو واضح طور پر بتانے سے قاصر کیوں ہیں اور چھپایا کیوں جا رہا ہے؟… pic.twitter.com/LnctKozQQq
— The Thursday Times (@thursday_times) June 11, 2025
اب تین ماہ بعد اچانک بھارتی فضائیہ کے سربراہ کا یہ کہنا کہ انہوں نے 6 پاکستانی طیارے مار گرائے — جن میں ایک امریکی ایف 16 بھی شامل ہے — اور وہ بھی بغیر کسی ثبوت کے — یقیناً سوالات کو جنم دیتا ہے۔ نہ کوئی تصاویر، نہ ملبہ، نہ کوئی شواہد — آخر یہ دعویٰ اب کیوں کیا جا رہا ہے؟
پاکستان نے بھارت کے 2 رافیل طیاروں سمیت 5 جہاز مار گرائے ہیں۔ پاکستانی فضائیہ نے بھارت کو فضائی جنگ میں مات دے دی۔
امریکی سیکیورٹی تجزیہ کار کرسٹین فیئرvia: The Wire pic.twitter.com/JU7v3JflZ0
— The Thursday Times (@thursday_times) May 15, 2025
اِس کی ایک بڑی وجہ موجودہ بھارتی سیاسی منظرنامہ ہے۔ بھارت اور امریکا کے تعلقات تیزی سے بگڑ رہے ہیں جبکہ امریکی صدر ڈونلڈ ٹرمپ تقریباً 33 بار اِس بات کا اظہار کر چکے ہیں کہ انہوں نے بھارت اور پاکستان کے درمیان جنگ کو روکا ہے۔ پاکستان نے کھل کر ڈونلڈ ٹرمپ کا شکریہ ادا کیا مگر بھارتی وزیراعظم نریندر مودی نے اِس کی تصدیق کی نہ تردید کی۔ ڈونلڈ ٹرمپ نے حال ہی میں بھارت پر ٹیرف 50 فیصد تک بڑھا دیا ہے جو دونوں ممالک کے درمیان کشیدگی کو مزید واضح کرتا ہے۔
ہم نے پاکستان اور بھارت کے درمیان جاری کشیدگی کو ختم کروایا اور ایک بڑے تنازع کو حل کیا۔ اب ہم پاکستان کے ساتھ ایک بڑا تجارتی معاہدہ کرنے جا رہے ہیں۔ امریکی صدر ڈونلڈ ٹرمپ pic.twitter.com/YmAy482rhk
— The Thursday Times (@thursday_times) May 21, 2025
مودی اندرونِ ملک بھی دباؤ کا شکار ہیں۔ اپوزیشن خصوصاً کانگریس اور راہول گاندھی آنے والے انتخابات اور انتخابی دھاندلی کے الزامات پر مودی کو گھیرے میں لیے ہوئے ہیں۔ ایسے وقت میں بھارتی فضائیہ کا یہ دعویٰ محض ایک فوجی بیان نہیں لگتا بلکہ میڈیا اور عوام کی توجہ اصل مسائل سے ہٹانے کی ایک کوشش دکھائی دیتا ہے۔ یہ ایک پرانی بھارتی حکمتِ عملی ہے — سرحد پر کشیدگی کو بڑھا چڑھا کر پیش کرو، قومی جذبات کو بھڑکاؤ اور یوں اندرونی ناکامیوں پر پردہ ڈال دو۔
بھارتی حکومت نے صرف تیس منٹ میں پاکستان کے آگے ہتھیار ڈال کر سرنڈر کردیا۔
کانگرس رہنما راہول گاندھی pic.twitter.com/Pgq1TnJmyj— The Thursday Times (@thursday_times) July 29, 2025
پاکستان کے مؤقف سے یہ بات واضح ہے کہ اگر بھارت کے پاس کوئی حقیقی ثبوت ہوتا تو وہ کب کا دنیا کے سامنے پیش کر چکا ہوتا لیکن جب 3 ماہ کی خاموشی کے بعد اچانک ایک دعویٰ کیا جائے اور اُس کے پیچھے ٹھوس شواہد نہ ہوں تو یہ زیادہ تر سیاسی بیان بازی محسوس ہوتی ہے۔ اِس کا مقصد بھارت کے عوام کو یہ باور کرانا ہے کہ حکومت کمزور نہیں بلکہ دشمن کے خلاف جارحانہ قدم اٹھا رہی ہے — چاہے حقیقت کچھ اور ہی کیوں نہ ہو۔
پاکستان کو اِس موقع پر اپنے مؤقف کو مضبوطی سے عالمی فورمز پر اجاگر کرنا چاہیے اور دنیا کو یہ دکھانا چاہیے کہ بھارت کے بیانات اکثر سیاسی مجبوریوں کا نتیجہ ہوتے ہیں — نہ کہ میدانِ جنگ کے حقائق کا۔ یہ وقت ہے کہ بھارت کی اِس پروپیگنڈا مشینری کو بےنقاب کیا جائے تاکہ دنیا اصل حقیقت سے واقف ہو۔
