اسلام آباد (تھرسڈے ٹائمز) — آج کاروباری ہفتہ کے پہلے روز پاکستان سٹاک مارکیٹ میں زبردست تیزی کا رجحان، سٹاک ایکسچینج میں نئی تاریخ رقم، ہنڈرڈ انڈیکس میں پہلی بار 81 ہزار کی نفسیاتی حد بھی عبور ہو گئی۔
پاکستان سٹاک مارکیٹ میں آج زبردست تیزی دیکھنے میں آئی ہے، گزشتہ کاروباری ہفتے کے اختتام تک 79 ہزار 944 پوائنٹس پر بند ہونے والی سٹاک مارکیٹ میں آج ہنڈرڈ انڈیکس 81 ہزار 155 پوائنٹس تک پہنچ چکا ہے، مجموعی طور پر ہنڈرڈ انڈیکس میں اب تک 1 ہزار 211 پوائنٹس (تقریباً 1 اعشاریہ 49 فیصد) کا نمایاں اضافہ ہوا ہے۔
تجارتی حجم کو دیکھا جائے تو 44 کروڑ 13 لاکھ 38 ہزار 958 سے زائد حصص کا تبادلہ ہوا ہے جبکہ تجارتی مالیت 27 ارب 22 کروڑ 80 لاکھ 19 روپے سے زائد رہی ہے۔
