بنگلہ دیش جدید چینی جے 10 سی ای لڑاکا طیاروں کی خریداری پر غور کر رہا ہے۔ پاکستان کے بعد بنگلہ دیش کی طرف سے بھی چینی جے 10 سی پلیٹ فارم اختیار کرنے سے بھارت کو مغرب، شمال اور مشرق تینوں جانب سے ایک ہی نوعیت کے جدید طیاروں کا سامنا کرنا پڑ سکتا ہے۔
فیلڈ مارشل عاصم منیر سے ایرانی صدر مسعود پزشکیان کی ملاقات، علاقائی پیش رفت و امن اقدامات پر تبادلہ خیال ایرانی صدر نے امریکا ایران مذاکرات کیلئے پاکستان کے کردار کو سراہا۔ فیلڈ مارشل نے خطہ میں امن و استحکام کیلئے پاکستان کے غیرمتزلزل عزم کا اعادہ کیا۔
وزیراعظم شہباز شریف نے امریکا ایران معاہدے (اسلام آباد مفاہمتی یادداشت) پر بطور ثالث دستخط کر دیئے۔ اسلام آباد ایم او یو پر امریکی صدر ڈونلڈ ٹرمپ اور ایرانی صدر مسعود پزشکیان کے دستخط بھی موجود ہیں۔ اسلام آباد واشنگٹن اور تہران کے درمیان تسلیم شدہ ثالث کے طور پر اُبھرا ہے۔
وزیراعظم شہباز شریف کی جانب سے امریکا ایران امن معاہدے کے اعلان کے بعد عالمی منڈیوں میں تیل کی قیمتیں نیچے گِر گئیں، اِس پیش رفت کی وجہ آبنائے ہرمز دوبارہ کُھلنے کی امید ہے۔ پاکستان کا سفارتی اثر و رسوخ توانائی کی عالمی منڈیوں میں بھی محسوس کیا جا رہا ہے۔
ایران وزیراعظم شہباز شریف، وزیرِ خارجہ اسحاق ڈار اور پاکستانی متعلقہ اداروں کی انتھک کوششوں پر شکریہ ادا کرتا ہے۔ فیلڈ مارشل عاصم منیر کا کردار اور دورہ تہران نہایت اہم رہا۔ امریکا کے ساتھ اکثر معاملات میں مفاہمت تک پہنچ چکے ہیں۔ ترجمان ایرانی وزارت خارجہ
آپریشن سندور کے بعد ایک سال کے دوران بھارتی روپیہ پاکستانی روپے کے مقابلہ میں تقریباً 13 فیصد نیچے گِر چکا ہے۔ مئی 2025 میں تقریباً 3 اعشاریہ 32 پاکستانی روہے سے مئی 2026 میں تقریباً 2 اعشاریہ 90 پاکستانی روپے تک گراوٹ واضح اور تیز تبدیلی کو ظاہر کرتی ہے۔
پاکستان اور سعودی عرب کے دفاعی معاہدے میں قطر اور ترکیہ بھی شامل ہو سکتے ہیں، خطہ میں اِس اتحاد کے قیام سے بیرونی انحصار کم ہو گا۔ پاکستان کی دفاعی و سفارتی کامیابیوں میں فیلڈ مارشل عاصم منیر اور وزیراعظم شہباز شریف کا کلیدی کردار ہے۔
کسی کو شک ہے تو ہمیں پھر سے آزما لے، ہم کل بھی تیار تھے اور آج بھی تیار ہیں۔ معرکہِ حق کے بعد پاکستان خطہ میں نیٹ سیکیورٹی سٹیبلائزر کے طور پر مستحکم ہوا ہے۔ کسی کا باپ بھی پاکستان پر آنچ نہیں لا سکتا، کوئی پاکستان کو ختم نہیں کر سکتا۔ ڈی جی آئی ایس پی آر
متحدہ عرب امارات پر ایرانی میزائل و ڈرون حملوں نے عالمی تشویش میں اضافہ کر دیا۔ اقوامِ متحدہ، یورپی کمیشن، امریکا، سعودی عرب، برطانیہ، خلیجی ممالک و دیگر کی جانب سے شدید مذمت کا اظہار۔ ڈونلڈ ٹرمپ نے مزید حملوں کی صورت میں فیصلہ کُن ردعمل کا عندیہ دے دیا۔
امریکا نے ضبط شدہ ایرانی جہاز توسکا کے عملے کو پاکستان منتقل کر دیا۔ نائب وزیراعظم و وزیر خارجہ اسحاق ڈار کے مطابق، 22 عملہ ارکان کو بحفاظت پاکستان لایا گیا ہے، جہاں سے انہیں ایران بھیجا جائے گا۔ انہوں نے کہا کہ یہ کارروائی ایرانی اور امریکی حکام کے تعاون سے ہوئی اور اعتماد سازی کا ایک اہم قدم ہے۔
