میری بیٹی کے اغوا کی کوشش اور میرے بیٹوں پر حملہ کیا گیا – جسٹس شوکت صدیقی

میرے دونوں بیٹوں پرحملہ کیا گیا اور میری بیٹی جو یونیورسٹی کی طالبہ تھی اسکو اغوا کرنے کی کوشش کی گئی یہ انکشاف جسٹس شوکت عزیز صدیقی نے معروف صحافی عمار مسعود کو اپنے حالیہ دیے گئے انٹریو میں پہلی بار بتائی

جسٹش شوکت عزیز صدیقی کا کہنا تھا کہ پانامہ کیس کے دوران سابق ڈی جی آئی ایس آئی جنرل فیض حمید میرے گھر آئے  اور کہا ہم پتہ کرنا چاہتے ہیں کہ نواز شریف کے کیس کا کیا بنے گا میں نے کہا کہ اس میں بری بھی ہوسکتے ہیں تو انہوں نے کہا کہ نہیں سزا تو ضرور ہونی ہے بس یہ پتہ کرنا چاہتے ہیں کہ اسکے بعد ہائیکورٹ میں کیا ہوگا

انکا کہنا تھا کہ جنرل فیض حمید نے مجھ سے پوچھا کہ اگر نواز شریف کا کیس آپکے پاس اپیل میں آتا ہے تو آپ کیا کرینگے تو میں نے ان سے کہا کہ میں تو میرٹ پر فیصلہ کرونگا تو اس پر انہوں نے وہ تاریخی جملہ کہا کہ

 “اس طرح تو ہماری دو برس کی محنت ضائع ہوجائیگی”

جسٹس شوکت صدیقی نے بتایا کہ میں نے جنرل فیض حمید سے سوال کیا کہ آپ نے مجھے ڈویژن بنچ سے کیوں ہٹوایا تو انہوں نے کہا کہ ہم نے آپ کے بڑوں ثاقب نثار سے بات کرکے آپکو ہٹوایا ہے

اس موقع پر سابق جج نے بتایا کہ جونہی پانامہ سے منسلک کیسز کی اسلام آباد ہائیکورٹ میں پٹیشنز آنا شروع ہوئیں تو مجھے اچانک ڈویژن بنچ سے ہٹا دیا گیا

اس موقع پر شوکت صدیقی نے کہا کہ عام تاثر یہ ہے مجھے فوج نے نکلوایا عمومی طور پر دیکھا گیا ہے کہ فوج عدلیہ کا کندھا استعمال کرتی ہے لیکن میرے کیس میں عدلیہ نے فوج کا کندھااستعمال کیا  ثاقب نثار اور آصف سعید کھوسہ میرے پیچھے پڑے ہوئے تھے کیونکہ 26 نومبر 2018 کو میں نے چیف جسٹس بن جانا تھا جبکہ ثاقب نثار کا ٹارگٹ اپنے شاگرد جسٹس عامر فاروق کوسینئر جج بنوانا تھا

میاں نواز شریف کیخلاف پانامہ کیس میں دی گئی ججمنٹ کے بارے میں جسٹس شوکت عزیز صدیقی نے کہا کہ پانامہ ججمنٹ کو ایک نہ ایک دن تاریخ کوڑے دان میں ضرور پھینکا جائیگا کیونکہ ایسے فیصلے کی مثال تاریخ میں نہیں ملتی انکا کہنا تھا کہ اس ججمنٹ میں نہ صرف میاں نواز شریف کے ساتھ زیادتی کی بالکہ قانون کی ایسی کی تیسی کر کے رکھ دی گئی انہوں نے مزید کہا کہ مجرم نواز شریف نہیں ہیں بالکہ مجرم جسٹس منیر سے لیکر آج تک انکی باقیات مجرم ہیں

جسٹس شوکت عزیز صدیقی نے انٹرویو میں بتایا کہ عدالتوں سے فیصلے اکیلے جنرل فیض حمید بطور ڈی جی آئی ایس اکیلے نہیں کروا رہے تھے بالکہ اس میں آرمی چیف اور ڈی جی آئی ایس پی آر بھی انکے ساتھ تھے ان میں تال میل مکمل موجود تھی

اس موقع پر انکا کہنا تھا کہ ہماری سپریم کورٹ فیصلے یا رومانس میں آکر کرتی ہے یا دباو کے تحت کرتی ہے

اپنے نکالے جانے کے فیصلے بارے سابق جج نے بتایا کہ جس سپریم جیوڈیشل کونسل نے مجھے نکالنے کی سفارش کی تھی اس باری باری بننے والے تینوں سابق چیف جسٹس جن میں ثاقب نثار آصف سعید کھوسہ اور گلزار احمد شامل تھے

جسٹس شوکت عزیز صدیقی نے کہا کہ موجودہ چیف جسٹس عطا بندیال سے امید تھی کہ وہ میرے خلاف پرسنل نہیں ہونگے لیکن سب سے زیادہ مایوسی انہی سے ہوئی کیونکہ جب صرف ایک سماعت باقی رہ گئی تو انہوں نےدو ججز کی ریٹائرمنٹ تک اسکو لٹکایا جسکی وجہ سے بنچ ہی ٹوٹ گیا

معروف صحافی عمار مسعود کے ساتھ جسٹس شوکت عزیز صدیقی کا تاریخی انٹرویو انکےچینل پر دیکھا جاسکتا ہے