3,837 تحریریں
اے لوگو! اللّٰه سے ڈرو جیسے اس سے ڈرنے کا حق ہے، اللّٰه تعالٰی اپنی ذات میں واحد ہے، تمام مسلمان ایک دوسرے کے بھائی ہیں، والدین کا نافرمان نہ دنیا میں کامیاب ہو گا نہ آخرت میں، اللّٰه نے شرک کو حرام کر دیا، فلسطین کے مسلمانوں کیلئے دعا کرتا ہوں۔
وزیراعظم شہباز شریف نے عید پر پیٹرول کی قیمت میں 10 روپے 20 پیسے اور ڈیزل کی قیمت میں 2 روپے 33 پیسے کمی کا اعلان کیا ہے۔ نئی قیمتیں آج رات 12 بجے سے نافذ ہوں گی۔ حکومت نے یکم جون کو بھی قیمتیں کم کی تھیں، جس سے عوام کو مجموعی طور پر 35 روپے کا ریلیف ملا ہے۔
عدلیہ میں اسٹیبلشمنٹ کی مداخلت زیادہ ہے، یہ سلسلہ مولوی تمیز الدین کیس سے شروع ہوا، عدلیہ اس مداخلت کے خلاف جدوجہد کر رہی ہے اور جلد اس کا خاتمہ ہونے والا ہے، ایک جج کو کسی کا ڈر نہیں ہونا چاہیے۔
پاکستان اسٹاک مارکیٹ نے بہترین کارکردگی کی بنا پر ڈالر میں دنیا کی ٹاپ پرفارمر سٹاک مارکیٹ کا اعزاز حاصل کر لیا ہے، جس میں گزشتہ ایک برس کے دوران تقریباً دوگنا اضافہ ہوا ہے۔ اس اضافہ کو ملکی معیشت کے لیے مثبت اشارہ قرار دیا جا رہا ہے اور حکومتی اقدامات کی بدولت مستقبل میں مزید بہتری کی امید کی جا رہی ہے۔
معروف اطالوی فٹبال کلب ’’اے سی میلان‘‘نے پرتگیزی فٹبال مینیجر ’’پاؤلو فونسیکا‘‘ کو آئندہ 3 برس کیلئے نیا کوچ مقرر کر دیا، میلان نے حالیہ سیزن کے اختتام کے بعد کوچ سٹیفانو پیولی سے راہیں جدا کر لی تھیں۔
وفاقی حکومت کی جانب سے بجٹ پیش کیے جانے کے بعد پاکستان سٹاک مارکیٹ میں زبردست تیزی، ہنڈرڈ انڈیکس میں 76 ہزار کی نفسیاتی حد عبور ہو گئی، آج ہنڈرڈ انڈیکس میں مجموعی طور پر 3 ہزار 410 پوائنٹس کا ریکارڈ اضافہ ہوا۔
وفاقی حکومت کی جانب سے بجٹ پیش کیے جانے کے بعد پاکستان سٹاک مارکیٹ میں زبردست تیزی، ہنڈرڈ انڈیکس میں 75 ہزار کی نفسیاتی حد عبور ہو گئی، آج ہنڈرڈ انڈیکس میں اب تک 3 ہزار سے زائد پوائنٹس کا ریکارڈ اضافہ ہو چکا ہے۔
وفاقی حکومت نے آئندہ مالی سال کے بجٹ میں گریڈ 1 سے گریڈ 16 کے ملازمین کی تنخواہوں میں 25 فیصد جبکہ گریڈ 17 سے گریڈ 22 کے افسران کی تنخواہوں میں 22 فیصد اضافہ کیا گیا ہے، ریٹائرڈ ملازمین کی پینشنز میں 22 فیصد اضافہ کی تجویز دی گئی ہے۔
تحریکِ انصاف نے سپریم کورٹ کے فیصلے کو بالائے طاق رکھتے ہوئے نیب ترامیم کیس کی سماعت کے دوران عمران خان کی جانب سے کمرہِ عدالت میں کی گئی گفتگو کی آڈیو جاری کر دی۔
ادارے ایگزیکٹو میں مداخلت کر کے عوام کی ترقی و خوشحالی میں رکاوٹ بن رہے ہیں، عدالتوں کا کام ذاتی پسندیدگی یا ناپسندیدگی کی بنیاد پر نہیں بلکہ عدل و انصاف پر فیصلے کرنا ہوتا ہے، یہاں پر اپنی مرضی کی توہینِ عدالت لگائی جاتی ہے، راہنما مسلم لیگ (ن) سلمیٰ بٹ۔
مریم نواز کے بطور وزیرِ اعلیٰ پنجاب پہلے 100 دن ترقی و خوشحالی کے ایک انقلاب کا آغاز ہیں جن میں نواز شریف آئی ٹی سٹی، کلینکس آن وہیل، فیلڈ ہاسپٹلز، فری میڈیسن ڈیلوری، نیور اگین ایپ، ائیر ایمبولینس، سستی روٹی و دیگر منصوبے شامل ہیں۔
نریندر مودی کو تیسری بار وزیراعظم کا عہدہ سنبھالنے پر مبارکباد پیش کرتا ہوں، حالیہ انتخابات میں BJP کی کامیابی نریندر مودی کی قیادت پر بھارتی عوام کا اعتماد ہے، آئیں نفرت کو امید سے بدل دیں اور جنوبی ایشیاء کے 2 ارب لوگوں کی تقدیر سنوارنے کیلئے موقع کا فائدہ اٹھائیں۔
مشرف صاحب اس دنیا سے جاچکے ہیں، اللہ تعالی انہیں معاف فرمائیں، لیکن قوم کو سوچنا چاہیے کہ کس نے قوم کے ساتھ کیا کیا ہے۔ عمران خان نے میرے اے سی اترانے کی بات کی، مگر میں انتقام کی سیاست نہیں کرتا۔ ملک میں مہنگائی میری وجہ سے نہیں، اگر مجھے نہ نکالا جاتا تو غربت اور بیروزگاری نہ ہوتی۔ شہباز شریف اور مریم نواز کی محنت سے روز مرہ اشیاء کی قیمتیں کم ہورہی ہیں، جو قابل تحسین ہے۔
کیا ججز کو آئین و قانون کی بجائے پاپولزم کی بنیاد پر فیصلے کرنے چاہئیں؟ کیا کسی مجرم کو اس بنیاد پر ماورائے قانون ریلیف فراہم کیا جا سکتا ہے کہ اس کے ملین فالورز ہیں؟ پاپولزم کی بنیاد پر کیے گئے فیصلے عدلیہ کی آزادی اور غیر جانبداری پر بھی سوالات بن کر سامنے آتے ہیں۔
دنیا کو چین کی ترقی سے سبق سیکھنا چاہیے، چین مختصر مدت میں دنیا کی دوسری بڑی معاشی و فوجی طاقت بن گیا، ہم چین کے عظیم اقتصادی ماڈل کی پیروی کر کے پنجاب سپیڈ کو پاکستان سپیڈ بنائیں گے، ہماری سب سے بڑی طاقت نوجوان افرادی قوت ہے۔
معروف فرانسیسی فٹبالر کلیان ایمباپے نے ہسپانوی کلب ریال میڈرڈ جوائن کر لیا، 25 سالہ ایمباپے معاہدے کے تحت آئندہ پانچ برس تک ریال میڈرڈ کی نمائندگی کریں گے، ایمباپے فرانس کے ساتھ فیفا ورلڈ کپ 2018 جیت چکے ہیں۔
پاکستان ایشیاء میں مہنگائی کے لحاظ سے تیز ترین کمی والا ملک بن گیا، مہنگائی مسلسل 5 ماہ سے کم ہو رہی ہے، پیٹرول کی قیمتیں ایک ماہ میں 7.1 فیصد کم ہوئیں، غذائی اشیاء (آٹا، چینی، سبزیاں) سَستی ہوئیں جبکہ روپے کی قیمت بھی مستحکم ہوئی ہے۔
آج سائفر کیس تو وڑ گیا، ہم عمران خان کے خلاف مقدمات بنانے والوں سے حساب لیں گے اور انہیں سزا دیں گے، ہماری برداشت ختم ہو چکی ہے، اب ہم نکلیں گے تو حقیقی آزادی لے کر رہیں گے، وفاق اب ہمارے لیے تیار رہے۔
اسلام آباد ہائیکورٹ نے سائفر کیس میں پاکستان تحریک انصاف (پی ٹی آئی) کے بانی عمران خان اور شاہ محمود قریشی کو بری کر دیا۔
جس جماعت نے الیکشن میں حصہ ہی نہیں لیا وہ سیاسی جماعت کی تعریف میں کیسے آ سکتی ہے؟ مفروضوں کی بنیاد پر یہاں آگے نہیں بڑھ سکتے، ایک کاغذ کے ٹکڑے پر آپ پارٹی کہہ رہے ہیں مگر آپ نے تو الیکشن ہی نہیں لڑا۔ جس سیاسی جماعت سے انتخابی نشان لے لیا گیا، کیا اس جماعت کے امیدواروں پر پابندی عائد کی گئی تھی کہ وہ کسی دوسری جماعت سے الیکشن نہیں لڑ سکتے تھے؟
پاکستانی پرچم دنیا کا واحد پرچم ہے جس میں اقلیتوں کی نمائندگی موجود ہے، آئینِ پاکستان اقلیتوں کو تحفظ فراہم کرتا ہے، اقلیتوں کے بھی اتنے ہی حقوق ہیں جتنے میرے حقوق ہیں، ہم چاہتے ہیں کہ اقلیتوں سے بھی ججز سپریم کورٹ میں آئیں۔
پیٹرول کی قیمت میں فی لیٹر 4 روپے 74پیسے اور ہائی سپیڈ ڈیزل کی قیمت میں فی لیٹر 3 روپے 86 پیسے کمی کا فیصلہ، نئی قیمتوں کے مطابق پیٹرول 268 روپے 36 پیسے فی لیٹر جبکہ ہائی سپیڈ ڈیزل 270 روپے 22 پیسے فی لیٹر دستیاب ہو گا۔
پاکستان کا دوسرا کمیونیکیشن سیٹلائٹ ’’پاک سیٹ ایم ایم 1‘‘ چین کے ’’شیچانگ سیٹلائٹ لانچ سینٹر‘‘ سے خلا میں لانچ کر دیا گیا ہے، اس کے ذریعہ پاکستان کے طول و عرض میں تیز ترین انٹرنیٹ کی سہولت فراہم کی جا سکے گی۔
نو مئی کے منصوبہ سازوں، مجرموں، حوصلہ افزائی کرنے والوں اور سہولتکاروں کو انصاف کے کٹہرے میں کھڑا کیا جائے، 9 مئی کے مجرموں کے خلاف کارروائی کے بغیر ملک ہمیشہ سازشی عناصر کے ہاتھوں یرغمال رہے گا۔
تحریکِ انصاف نے 9 مئی کو جو کچھ کیا اور اب 1971 جنگ کے حوالہ سے جو کچھ کر رہی ہے اس کے بعد معافی تلافی ممکن نہیں، تحریکِ انصاف کی جانب سے بہت خطرناک کھیل کھیلا جا رہا ہے، تحریکِ انصاف پر پابندی لگائی جا سکتی ہے۔
پاکستان کی چھ اکائیاں ہیں جن میں سے کشمیر، بلوچستان اور گلگت بلتستان کا صبر ختم ہو چکا جبکہ خیبرپختونخوا کا صبر ختم ہونے والا ہے، کیا صرف پنجاب اور سندھ پاکستان کی شکل ہوں گے؟ ایک شخص نے ریاست کا مستقبل داؤ پر لگا رکھا ہے۔
معروف ہسپانوی فٹبال کلب بارسلونا نے جرمن فٹبال مینیجر ہانسی فلیک کو دو سالوں کیلئے نیا کوچ مقرر کر دیا، معاہدے کے تحت ہانسی فلیک 30 جون 2026 تک بارسلونا کے کوچ رہیں گے، اس سے قبل وہ جرمنی کی قومی فٹبال ٹیم کیلئے بھی کوچنگ کر چکے ہیں۔
شیخ مجیب الرحمٰن کی وڈیو جاری کر کے عمران خان نے قوم سے آدھا سچ بولا ہے جو جھوٹ سے زیادہ خطرناک ہے۔ ہمارے ملک کے نوجوانوں کو بس یہ بات یاد رکھنی ہے کہ پہلے دشمن ہماری سرحدوں پر حملہ کرتا تھا اب ہماری نوجوان نسل سے آدھا سچ بول کر ان کی سوچ کو پامال کرتا ہے۔ مجیب الرحمٰن سے لیکر عمران خان تک کے سفر میں پاکستان کو دشمنوں کے ساتھ اپنوں نے بھی مسلسل ڈسا ہے۔
میں نے عمران خان کی طرح القادر ٹرسٹ جیسا کوئی 460 ارب کا ڈاکہ نہیں مارا تھا، آج ثاقب نثار کا فیصلہ ردی کی ٹوکری میں چلا گیا، چار پانچ لوگوں نے پاکستان سے خوشحالی چھین لی، عمران خان ظہیر الاسلام جیسے جرنیلوں کی بنائی ہوئی تیسری قوت تھے۔
سابق وزیراعظم میاں محمد نواز شریف پاکستان مسلم لیگ (ن) کے بلامقابلہ صدر منتخب ہو گئے، ان کے مقابل کسی نے بھی جماعت کی صدارت کے امیدوار کے طور پر کاغذاتِ نامزدگی جمع نہیں کرائے، میاں نواز شریف چوتھی بار جماعت کے صدر منتخب ہوئے ہیں۔
ہسپانوی وزیراعظم پیڈرو سانچیز نے سپین کی جانب سے فلسطین کو بطور ریاست تسلیم کرنے کا اعلان کر دیا جس کا دارالحکومت مقبوضہ بیت المقدس ہو گا، آئرلینڈ اور ناروے بھی آج فلسطین کو باضابطہ ریاست کے طور پر تسلیم کرنے کا اعلان کریں گے۔
پاکستانی روپیہ گزشتہ ایک سال کے دوران 3 اعشاریہ 1 فیصد بہتری کے ساتھ ایشیاء میں امریکی ڈالر کے مقابل بہترین کرنسی بن کر ابھرا ہے، اس کی وجوہات میں آر ڈی اے، ترسیلاتِ زر اور آئی ایم ایف، عالمی بینک و دوست ممالک سے معاشی تعاون اور قرضوں کا رول اوور ہونا شامل ہیں۔
اسرائیل رفاہ میں فوجی کارروائی فوری طور پر روک دے اور نسل کشی کے حوالہ سے تحقیقات کیلئے بین الاقوامی تفتیش کاروں کو غزہ پٹی تک کسی رکاوٹ کے بغیر رسائی فراہم کرے، اسرائیلی اقدامات سے فلسطینی عوام کو شدید خطرات لاحق ہیں۔
ہم نے کسی ادارہ، حکومت یا ایجنسی کی بی ٹیم نہیں بننا، ہم کسی ادارہ یا حکومت کے ساتھ لڑائی نہیں چاہتے لیکن تالی دونوں ہاتھوں سے بجتی ہے، ہم تب تک احترام کریں گے جب تک عدالتوں کا احترام کیا جائے گا۔
